ARTIKEL

Peminta SK Ng Budu digaga baru enggau numbuh SMK Krian dikerandau

Facebook
Twitter
LinkedIn
WhatsApp
Telegram

SARATOK: Kaban Parlimen Saratok, Datuk Ali Biju udah datai ngulu randau pasal pengawa Ngaga Baru Sekula Primari (SK) Nanga Budu ti diatur ditu empai lama.

Randau nya diberi nama Langgur Malaysia ungkup Ngaga SK Nanga Budu Ti Baru diatur begulai Serakup Apai Indai enggau Pengajar (PIBG) SK Nanga Budu enggau Kelab Alumni Ex-Nembiak SK Nanga Budu.

Ali madah, nya randau kepenudi ari sekeda tusun randau sebedau tu dikena nyerariska pengawa nyerahka keretas jurai Langgur Malaysia ungkup ngaga baru sekula nya ba taba ti baru enggau strategik agi.

“Kami sama ngempung penemu ba mayuh pekara ngaul langgur ngaga baru sekula tu nyengkaum taba ti strategik endur nirika begunan baru sekula tu ila.

“Kelimpah ari nya, kami sebuah mega merambu numbuhka sekula sekondari baru ti deka diberi nama Sekula Sekondari (SMK) Krian, ti diasaika kami endang patut didiri.

“Kebuah pia laban kitai beratika sekula tu ila nipakka pemansang infrastruktur ke bisi lalu seninjik enggau kandang menua Nanga Budu diangkat nyadi pelilih mit,” terang iya.

Ari nya tadi ku Ali, nya entara berita pemadu manah ngagai perayat menua Budu kelebih agi rebak baru ti deka bisi palan meruan ngiri penemu enggau pemandai sekula jemah.

“Besai endar pengandal aku deka meda menua Bud utu nyingkang mansang enggau nempa mayuh modal mensia ti menyana dudi hari.

“Perambu nirika palan pelajar baka tu mandangka pengeran kami rebak dulu deka ngangkatka rebak baru ngena pelajar ti meruan lalu nempa pemujur ba pengidup,” ku Ali madah ke pengandal diri.

Ungkup penerang, pengawa sehari nya betuaika Chairperson PIBG SK Nanga Budu, Angela Philip enggau Chairman Kelab Alumni Ex-Nembiak SK Nanga Budu, MCNair Anak Kudang.

LAIN-LAIN BERITA

Projek ART Johor bechuntoka pemujur Sarawak

KUCHING: Sistem Transit Aliran Autonomi (ART) di Sarawak deka nyadi malin ungkup projek ART ti deka dipejalai di nengeri Johor. Perintah Nengeri Johor benung ngelanggur

Sarawak ngulit dua hari

KUCHING: Perintah Sarawak ngemendarka timpuh ngulit selampur nengeri pengelama dua hari, belabuh sehari tu enggau pagila. Nambah ke nya, tambai mega digitang tengan tiang aja

BERITA TERBARU

Berita yang menyedihkan – Datuk Sim Kiang Chiok

KUCHING : Pengerusi Persatuan Pemaju Perumahan dan Hartanah Sarawak (SHEDA) Cawangan Kuching Datuk Sim Kiang Chiok, menyifatkan pemergian bekas Yang di-Pertua Negeri Tun Abdul Taib

Projek ART Johor bechuntoka pemujur Sarawak

KUCHING: Sistem Transit Aliran Autonomi (ART) di Sarawak deka nyadi malin ungkup projek ART ti deka dipejalai di nengeri Johor. Perintah Nengeri Johor benung ngelanggur