Pemujur JKNS nagang pengerekai Covid-19 dipuji

KOTA SAMARAHAN: Ketuai Sekretari Opis Menteri Pengerai Malaysia (KKM) Datuk Seri Dr Chen Chaw Min muji Opis Pengerai Nengeri Sarawak (JKNS) laban mujur nagang pengerekai Covid-19 ba Sarawak.

Ku iya, Sarawak mujur nagang enggau ngelandaika kes Covid-19 ba menua tu.

“Aku berasai lantang ati meda peratus kes Covid-19 ba Sarawak ke mujur ditagang enggau manah.

“Pia mega, Perintah Sarawak udah mantaika mayuh Atur Pengawa Standard (SOP) ngambi nagang pengerekai igi penyakit tu,” terang Dr Chen.

Dr Chen mansutka jaku nya ba aum pemberita lebuh ngatur pejalai ngabas seraya gawa ngagai Sepital Tungkul Sengayuh Sarawak, ditu kemari.

Terang iya, KKM seruran matau kes Covid-19 ba Sarawak enggau kerejasama ari Perintah Sarawak.

Ba lansa sama, iya madahka KKM nyendiaka 10 buah entukar ungkup JKNS nagang pengerekai Covid-19.

Sama datai Menteri Kaunsil Kandang Menua enggau Pengawa Berumah, Datuk Seri Sim Kui Hian enggau Direktor Opis Pengerai Nengeri Dr Chin Zin Hing.

Suara Sarawak