Pemutus Larry nyukung PN ke pemaik rayat Julau

KUCHING: Pemutus Kaban Parlimen Julau, Larry Sng nyukung Perintah Perikatan Nasional (PN) ke pemaik rayat Jalau empu.

Kaban Parlimen Puncak Borneo, Datuk Willie Mongin madahka pemutus Larry nya nadai meri penanggul ngagai iya laban dunya politik semampai berubah.

“Nyema iya meri sukung ngagai perintah diatu, udah tentu perintah diatu deka meri agih belanja enggau bantu ngagai rayat Julau.

“Menua Julau diuan tebal agi bansa Dayak kelimpah Melayu, China enggau ke bukai, nya alai aku andalka rayat di sitak nya ampit pemansang,” ku iya.

Willie ti mega Sapit Menteri Bekebun Dandang Besai enggau Komoditi Malaysia bejaku munyi nya ba aum pemberita pengudah bejadika Program Ngagihka Sengkabung Mua enggau Penuchi Jari Ngagai Kaban Kunsi Industri Lada di Opis MPB ditu tadi.

Suara Sarawak