ARTIKEL

DR AZHAR AHMAD

Pemutus peresa SPM 2023 nurai sejarah sereta pemadu manah

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Penyulut pemutus peresa Sijil Pelajaran Malaysia (SPM) 2023 nyadi siti kenang pemadu manah ba timpuh sepuluh taun pengudah pejalai atur Subjek Jaku Melayu enggau Sejarah nyadi siti atur dikena ngulih setipikit SPM berengkah ari taun 2013.

Direktor Opis Pelajar Nengeri Sarawak (JPNS), Datuk Dr Azhar Ahmad madahka Gred Pukul Rata Nengeri (GPN) ungkup SPM 2023 diaku pemadu manah enggau ba baruh tikas 5 iya nya 4.92.

“Peratus nembiak bulih setipikit taun tu mega endang pemadu manah ba timpuh sepuluh taun iya nya 93.15 peratus.

“Aku gaga madahka chalun nembiak ti nyulut bulih semua A ba semua subjek mega manah agi ari 2022 iya nya niki 0.15 peratus ngagai 726 iku nembiak ba taun 2023,” ku iya.

Azhar bejaku munyi nya rambau bejadi Program Apresiasyen Nembiak Nyulut Peresa SPM 2023 di Auditorium Opis JPNS ditu, sehari tu.

Ku iya, program ke diatur kemari nya dikena meri basa ngagai 25 buah sekula ti mujur ngulihka Gred Pukul Rata Sekula (GPS) ba baruh 4.00 ti dipeda nambah ngagai lima buah sekula enti dibanding ba taun 2022.

“Kami chukup temegah laban empat buah sekula mujur nambahka GPS ngelui ari 0.80 ba taun 2023.

“Aku meri tabi puji ngagai 19 buah sekula ti bulih pemutus 100 peratus bulih setipikit SPM taun tu taja pen bisi kusut 20 buah sekula ari taun 2022,” ku iya.

Ku iya, 19 buah sekula ti bulih pemutus 100 peratus bulih setipikit SPM tu iya nya Sekula Sekondari (SM) Sains Kuching Utara, SM Sains Miri, SM Sains Kuching, Sekula Sekondari (SMK) Agama Miri, Kolej Datuk Patinggi Abang Haji Abdillah, Kolej Tun Datu Tuanku Haji Bujang enggau SMK Agama Tun Ahmad Zaidi.

Pia mega, SMK Agama Sheikh Haji Othman Abd Wahab, SMK Agama Sibu, SMK Chung Cheng, SMK Agama Matang 2, SMK Agama Limbang, SMK Agama Saratok, SMK Balleh, SMK Tabuan Jaya, SMK Bukit Lima, SMK Tutoh Apoh, SMK Bakenu enggau SMK Pesantren Abdul Taib Mahmud bela bulih 100 peratus setipikit.

BERITA LAIN

Nempa Sarawak nyadi tibang pemakai

TUSUN KETERUBAH MINAT Reynold anak Jacktola, 29, ti rindu agi dikangau Nol ba pengawa betanam betupi nya endang dikembuan iya ari mit laban iya datai

Tebing Sungai Saratok deka diseleti meruan

SARATOK: Perintah Sarawak deka nyeleti pengkalan ba seberai Pasar Saratok enggau jematan dikena ngelayang Sungai Paon. Kaban Kunsil Nengeri (ADUN) Kalaka, Mohamad Duri madah, sepenyampau

BERITA TERBARU

Didik anak-anak untuk elak gangguan seksual, rogol

KUCHING: Agensi kerajaan bersama Pertubuhan Bukan Kerajaan (NGO) bekerjasama dalam memberi didikan sentuhan selamat dan sentuhan tidak selamat kepada kanak-kanak dalam usaha meningkatkan kesedaran akan