Penanyi lama ulih nyadi inspirasyen

“Penanyi rebak baru chukup betuah laban bisi orang nyadi ke chuan enggau teladan sida.”

Enti nadai sida ke lama tentu nadai mega sida ke baru. Orang lama ulih nyadi inspirasyen enggau chunto ke sida ti baru.

Ba sukut dunya pemerundang, penanyi baru mayuh neladan penanyi lama. Penanyi lama dulu makai garam lalu ngembuan peneleba enggau penemu ke lebih.

Penanyi rebak baru chukup betuah laban bisi orang nyadi ke chuan enggau teladan sida.

Minggu tu kitai betemu baru ba ruang pemerindang ke alai kitai deka begulai enggau siku artis lama ke kala tebilang enggau lagu Langkau Ujung Tanju enggau Sulu Udah Lenyau.

Effrem Kumpu terubah ngerikod lagu dalam taun 1975. Maya nya Effrem suah dibai orang belagu ba RTM Sibu.

Tegal pemanah sada nyawa sereta enggau gaya iya ke manah dipeda, siku teknisyen RTM Sibu Zainal Abidin Ujang (niang), iya diberi peluang nyadi artis piring itam.

Jeman piring itam enggau kaset

Effrem tau dikumbai betuah laban sempat ngerikod lagu dalam tiga jeman bebida. Ari taun 1975 iya ngerikod lagi ba format piring hitam.

Ba tengan taum 80-an iya ngaga lagu ba kaset lalu ba era 90-an iya ngena format CD / VCD.

Ba tiga jeman bebida nya lagu Iban terus mansang enggau mayuh agi kompeni rikod kelebih
agi di Sibu.

Ari tengan taun 90-an, kompeni rikod baru ukai semina diempu orang China tang bisi kitai Iban. Ba abad ke-21, kompeni rikod di Sarawak majoriti diempu Iban.

Effrem kala ngerikod lagu begulai kompeni South East Asia, King Hong, Legend Star, Nayang Company enggau Wesley Belaja Production.

Berita penuh dalam Suara Sarawak pagila.

Effrem Kumpu