ARTIKEL

Penatai pemisi Sarawak 2023 ngelui ari RM13 bilion

Facebook
Twitter
LinkedIn
WhatsApp
Telegram

KUCHING: Penatai pemisi taun 2023 terus nambah sereta ngelui ari RM13 bilion sebedau nutup akaun Disember.

Nya mega nurai rikod baru Sarawak bulih penatai pemisi pemadu mayuh dibanding RM12.7 bilion ti dibantai November tu tadi.

Premier Datuk Patinggi Tan Sri Abang Johari Tun Openg madah, nya mega berindik ari penama dividen ba bulan Disember tu ngasuh rikod asil ti manah.

“Ungkup rikod, penatai pemisi tu disadang terus nambah seraris enggau nusun baru asil (revenue engineering) ti dipejalai.

“Pia mega ba bemacham Rang Undang-Undang ti udah dipejalai bulan November tu tadi ti deka meransang asil nengeri nambah.

“Dipelaba RM13.1 bilion asil diulih bepelasarka rikod ba Disember taun tu. Endang udah dikeandalka kitai ngambi manggai 2024 enggau mega 2025 penatai pemisi nengeri deka terus nambah,” ku iya.

Abang Johari bejaku munyi nya lebuh ngulu Pengerami Nerima Pengabang Hari Krismas Uskup Agung ba St Thomas Cathedral Parish Hall, ditu kemari.

Berindik ari nya, iya meri terima kasih ngagai rayat menua tu laban terus beserakup nentuka perintah ulih meri perati ngagai pemansang nengeri.

“Tu beguna endar. Pia mega pangku pengawa semua bakih sama gawa enggau tim dalam kabinet.

“Bisi sekeda pekara ti deka aku atur dikena nambahka penatai pemisi tu, tang enda ulih dipadah diatu,” ku Abang Johari.

LAIN-LAIN BERITA

Sarawak ngulit dua hari

KUCHING: Perintah Sarawak ngemendarka timpuh ngulit selampur nengeri pengelama dua hari, belabuh sehari tu enggau pagila. Nambah ke nya, tambai mega digitang tengan tiang aja

TYT berami enggau YAST Group

KUCHING: Tuai Pemegai Menua (TYT) Sarawak, Tun Wan Junaidi Tuanku Jaafar enggau bini iya, Toh Puan Fauziah Mohd Sanusi udah ngulu Pengerami Makai Lemai Taun

Mutang aruh iya dichiri mangku pengawa

LIMBANG: Pengawa nyiri ex-Kaban Parlimen Bukit Mas, Datuk Mutang Tagal nyadi Yang Dipertua Dewan Negara ke-20 endang meri besai pengandal. Sapit Premier Sarawak, Datuk Amar

BERITA TERBARU

Tun Taib bawa pembangunan berterusan

KUCHING: Hubungan rapat antara Kerajaan Persekutuan dan Kerajaan Sarawak yang terjalin rapat sejak pentadbiran bekas Yang di-Pertua Negeri Tun Pehin Sri Abdul Taib Mahmud membawa

Legasi ditinggalkan Tun Taib tidak ternilai 

KUALA LUMPUR: Legasi yang ditinggalkan oleh Allahyarham Tun Abdul Taib Mahmud sebagai Bapa Pemodenan Sarawak tidak ternilai dan akan sentiasa hidup di dalam hati semua.