KUCHING: Pelajar beguna amat nyadi strategi timpuh panjai ngangkatka modal mensia ba nengeri tu, ku Premier Sarawak Datuk Patinggi Tan Sri Abang Johari Tun Openg.
Ku iya, rayat enda ulih limpang ari bisi penemu enggau pelajar ti nyadi kunchi ngubah diri enggau ngangkatka tikas idup.
“Ari penemu diiri kita nengah pelajar deka mantu Sarawak nempa penau baru lalu penau tu mesti nangkup peminta ba ubah pemansang selampur dunya,” ku iya.
Abang Johari nibarka jaku nya ba Pengerami Makai Lemai Genap Taun Ke-21 Serakup Graduet Dayak Sarawak (SDGA) ditu malam kemari.
