ARTIKEL

NARAK PENYEDAR… Andy (mua, empat kiba) begambar ungkup kenang enggau bala bukai lebuh Kimpin Pengelikun Penusah Angus serimbai Pengerami Taun Baru China (TBC) Mukah enggau Pengawa Nyuaka Kereban Pengerara Api Ngagai Komuniti begulai enggau BBP Mukah, empai lama.

Penemu ngerara api chukup beguna dikena nagang penusah enda disadang nyadi

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

MUKAH: Kimpin Pengelikun Penusah Angus maya musin pengerami nya entara inisiatif Opis Bomba enggau Penyah Penusah Malaysia (JBPM) meri penyedar nagang penusah angus ngagai komuniti.

Ku Tuai Balai Bomba enggau Penyah Penusah Malaysia (BBP) Sibu, Andy Alie, sida ngerembaika pengawa meri penyedar nagang sereta atur ke patut dikereja enti penusah angus nyadi.

“Kimpin nya sebagi ari chara transfomasyen JBPM ngenyemakka diri ngagai komuniti dikena meri pesan bekaul pekara pengelikun penusah angus ba komuniti.

“Tu endang tanggungpengawa bomba ngerara penusah angus tang pengempu rumah mega beempu tanggungpengawa nyaga pengelikun sida sebilik.

“Dikena nentuka rumah enggau sida sebilik likun, nya beguna amat ungkup genap komuniti bisi penemu nagang penusah angus kelebih agi ngena kereban pengerara api maya penusah angus,” terang iya.

Andy mansutka jaku nya ba Kimpin Pengelikun Penusah Angus serimbai Pengerami Taun Baru China (TBC) Mukah enggau Pengawa Nyuaka Kereban Pengerara Api Ngagai Komuniti begulai enggau BBP Mukah, empai lama.

Ngenang silik, iya madah, peranak ulih nentuka rumah sida likun enti bisi penemu nagang penusah angus.

Kelimpah ari nya, peranak nya mega ulih ngerara penusah angus maya api agi mit enggau mantu nyelamat diri sebilik.

“Kitai meseti beterima kasih ngagai Kaban Parlimen Mukah, Datuk Hanifah Hajar Taib laban iya ngemeratka pengawa narak penyedar pengelikun penusah angus ba komuniti di Mukah.

“Nengah kerejasama baka tu, abis nadai tu ulih mantu raban Bomba ngurangka kes penusah angus ti majak nambah kelebih agi ba rumah panjai enggau genturung pendiau,” terang iya.

Berebak enggau nya, bisi 86 unit Kereban Pengerara Api udah diserah ngagai komuniti di Mukah.

Ku iya, ngarapka nengah bantu nya sida ulih nyikap diri tumu ngerara penusah angus mit ti nyadi.

Sama datai Sapit Residen Mukah, Shafrie Saili enggau Pemangku Pegawai Opis Pelilih Mukah, Peleadzman Ahip.

BERITA LAIN

Penyulut SPM meri pengaga ngagai semua

KUCHING: Bulih pemutus peresa nyulut ba Sijil Pelajaran Malaysia (SPM) 2023 ukai penyulut siku orang aja tang nya penyulut semua raban. Nembiak Sekula Sekondari (SMK)

Saripah Tuah angkun ngangkat pesaka Bisaya

ANGKUN deka nyaga kereban asal raban bansa Bisaya, Saripah Tuah, 44 bejalaika dagang ngelakuka semua kereban tradisional Bisaya awakka enda punas disegang arus pemansang dunya

BERITA TERBARU

Penyulut SPM meri pengaga ngagai semua

KUCHING: Bulih pemutus peresa nyulut ba Sijil Pelajaran Malaysia (SPM) 2023 ukai penyulut siku orang aja tang nya penyulut semua raban. Nembiak Sekula Sekondari (SMK)