ARTIKEL

BEJADI… Lukanisman (tiga kanan) diberi basa bejadika Kus Ngatur Darah Pesakit Utara Sarawak ti keterubah diatur ditu, kemari.

Penemu semua bekaul perambu mindahka taba KK Long Lama meseti diberi perati

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

MIRI: Aum enggau perambu silik ari bemacham raban nyengkaum pengari rayat patut diberi perati bekaul perambu mindahka taba projek ngaga Klinik Pengerai (KK) Long Lama ngagai taba baru.

Sapit Menteri Pengerai Malaysia, Datuk Lukanisman Awang Sauni madah, perambu nya dibantai berebak ari tanah tusur ti nyadi taba asal klinik nya.

“Aku patut berandau enggau pengari rayat ditu dulu bekaul pekara tu sekali ke nejuka taba klinik ti endang udah bisi tauka bejalaika inisiatif pemansang ti manah agi sereta komprehensif ungkup klinik kategori tiga ba Long Lama nya.

“Kitai begunaka taba baru enti tanah tusur ba endur nya ti benung diseleti raban Opis Kereja Raya (JKR) enda mujur diputar sereta enda likun agi dikena,” ku iya.

Lukanisman mansutka jaku nya rambau dipinta ngelansa senentang status KK Long Lama nya pengudah bejadi Kus Ngatur Darah Pesakit Utara Sarawak ti keterubah diatur ditu, kemari.

Nangkan nya, iya madah, projek ngaga klinik interim ba Long Lama diberi perati dikena nangkup guna lengkas servis nyaga pengerai ba dia.

“Pengawa ngaga klinik interim tu dikena nerus operasyen KK Long Lama deka berengkah dipejalai ba taun tu ti beungkus baruh ari RM1 juta.

“Tu deka digaga enda jauh ari Balai Komuniti Long Lama ti deka nyadi klinik sementara ungkup peranak ditu ngulihka servis nyaga pengerai.

“Klinik interim tu ila disadang ulih nampung servis pengerai pemun KK Long Lama baka makmal, Opis Pesakit Luar (OPD), Klinik Indai enggau Anak (MCH) sereta farmasi,” terang iya.

Dulu agi ari nya, Opis Menteri Pengerai Malaysia (KKM) bisi mantaika perambu ngaga klinik interim ba Long Lama ngena kabin kuntina dulu seraya nganti pengawa nyeleti klinik ti endang udah bisi.

Naka diatu, KK Long Lama beoperasyen ba balai komuniti ba genturung pendiau nya pengudah klinik asal ditutup ba bulan Julai 2020 ketegal dituntung tanah tusur ngujungka struktur begunan klinik nya rusak.

BERITA LAIN

Sarawak dulu sesingkang mantu rayat

BAU: Perintah Sarawak dipuji laban ngena chara go the extra mile tauka dulu sesingkang ba pengawa meri bantu ngagai rayat di menua tu. Sapit Menteri

Isut mubuk menua Kabo Ulu

ISUT nitih ke jerita, nyadi tuai orang ti muai unak, muai lemetak, muai batang, muai agang di sitak menua Kabo Ulu. Iya tuai orang berimbau,

BERITA TERBARU