ARTIKEL

NIBAR JAKU PERANSANG… Abang Johari bejaku rambau Program Kembara Kenali Borneo Yang di-Pertuan Agong ari Sabah ke Sarawak di sebuah hotel ditu, ensanus.

Penemuai Agong negap penyerakup, pengelikun menua

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Penatai Yang di-Pertuan Agong Al-Sultan Abdullah Ri’ayatuddin Al-Mustafa Billah Shah pengelama 11 hari ke Sabah enggau Sarawak kelai ‘Raja Berperlembagaan’ megai tanggungpengawa ti nyelai nyadi payung penyerakup, pengelikun enggau penegap menua.

Premier Sarawak, Datuk Patinggi Tan Sri Abang Johari Tun Openg madah, pekara tu ti ngujungka Malaysia ditumbuh nengah pelasar ‘Raja Berperlembagaan’.

“Nya alai, Sarawak chukup bebasaka Yang Di-Pertuan Agong taja pen nengeri tu nadai sistem ‘kesultanan’ baka nengeri bukai di Semenanjung.

“Rayat richah ngelalu penatai Yang di-Pertuan Agong enggau Raja Permaisuri Agong ari Lawas ke Miri, Bintulu, Sebauh, Tatau, Sibu, Simanggang, Kuching enggau Telok Melano.

“Nya ngelaika Agong enggau Raja Permaisuri chukup kemerah enggau rayat,” ku iya.

Abang Johari bejaku munyi nya rambau Program Pejalai ‘Kenali Borneo’ Yang di-Pertuan Agong ari Sabah ke Sarawak di sebuah hotel ditu, ensanus.

Dulu ari nya, Abang Johari madah, kelimpah pengawa ngaga Jalai Besai Pan Borneo ari Perintah Besai, Perintah Sarawak benung ngaga jalai raya pesisir pantai sepemanjai 896 kilometer ti beungkus RM5.42 bilion.

Ku iya, jalai raya tu mungkur pengawa ngaga 10 buah jematan besai baka Jematan Batang Lupar pemanjai 4.8 kilometer ti diaku nyadi jematan pemadu panjai di menua pengudah tembu ila.

“Kelimpah ari nya, Perintah Sarawak mega benung ngaga Jalai Besai Kedua ari Samarahan ngagai Utara Sarawak ngerenchah Sebuyau enggau Lingga ti beungkus RM5.58 bilion.

“Jalai tu ila deka ngemandakka timpuh pejalai ari Kuching ke Sibu ari lima ke enam jam ngagai dua jam setengah aja.

“Semua ungkup pengawa ngaga Jalai Besai Tebing Pantai enggau Jalai Besai Kedua nya beungkus RM11 bilion lalu dipelanja Perintah Sarawak empu,” ku iya.

Iya madah, program nyendia infrastruktur nya dipelaba tembu ba taun 2026 ungkup tuju ngemanahka sistem rentayan jalai besai nengeri sereta ngeranchak ekonomi ti meruan dikena nyapai juluk Sarawak nyadi menua bepenatai pemisi tinggi manggai taun 2023.

BERITA LAIN

BERITA TERBARU

Optimum infrastruktur kuasa hidro negara

KUCHING: Kementerian Peralihan Tenaga dan Transformasi Air (PETRA) berminat untuk bekerjasama dengan Sarawak Energy Berhad, Persatuan Tenaga Hidro Antarabangsa (IHA) dan Perikatan Boleh Diperbaharui Global

Buaya tersangkut pada mata kail di Sebuyau

SEBUYAU: Disangka ikan besar, rupa-rupanya buaya tersangkut pada mata kail yang dipasang penduduk di sungai Kampung Nat di sini, hari ini. Komander Operasi PBKII KUP