ARTIKEL

Pengajar Lawas diperansang nyadi kaban KGBS

Facebook
Twitter
LinkedIn
WhatsApp
Telegram

LAWAS: Bala pengajar ba sitak Lawas dilalau nyadi kaban Gerempung Pengajar Bumiputera Sarawak (KGBS) ngambi semua isu enggau penanggul bekaul pekara pelajar ulih dikenatai nengah pelasar ti nemban.

Pegawai Pelajar Pelilih Lawas, Sawal Pandin madah, pangku pengawa KGBS nya endang diaku nyaga pengelantang bala pengajar.

“Pekara tu ulih dipeda ba pengawa gerempung ti nyaga pengelantang semua kaban gerempung nya.

“Nya alai, aku ngerah bala pengajar ba sitak Lawas nyadi kaban KGBS ngambi semua isu enggau penanggul bekaul pelajar ulih dikenatai nengah pelasar ti nemban lalu ukai ngena media sosial,” ku iya.

Sawal mansutka jaku nya ba sebengkah penerang rambau Pengawa Bejadi Aum Besai KGBS Pampang Lawas empai lama.

Nangkan nya, Presiden KGBS, Zulkiflee Sebli mega meri terima kasih ngagai KGBS Pampang Lawas laban mujur ngatur aum besai nya.

“KGBS Pampang Lawas nyadi pampang ti penudi ngatur aum besai sebedau Aum Pengawa Bepilih Komiti KGBS Indu Opis ti ditaga diatur ba bulan Februari tu.

“Kitai ngarap KGBS Pampang Lawas nampung program ti udah diperambu lalu kami ba KGBS Indu Opis ulih seruran mantu enggau meri buah runding,” ku iya.

Berindik enggau nya, Aum Besai KGBS Pampang Lawas ngemataka Muhammad Nazri Rosli mujur dipilih nyadi Chairman KGBS Pampang Lawas ungkup Sesyen 2024/2026.

Bisi mega diatur iya nya Pengerami Apresiasyen dikena ngerami bala kaban KGBS Pampang Lawas ti udah pinchin kelimpah nyua insentif pelajar ngagai bala anak kaban gerempung ti nyulut ba peresa SPM empai lama.

LAIN-LAIN BERITA

Lebih 360,000 ngusung Muzium Budaya Borneo

KUCHING: Muzium Budaya Borneo (BCM) ngerikod lebih 360,000 pengusung sepemanjai taun 2023. Menteri Dagang Temuai, Industri Kreatif enggau Seni Pemerindang (MTCP), Datuk Seri Abdul Karim

Mi kolo digazet nyadi Pemakai Pesaka Menua

KUCHING: Pemakai ti dikerindu mensia mayuh di Sarawak, mi kolo diatu udah digazet nyadi siti Pemakai Pesaka Menua tauka ‘Makanan Warisan Kebangsaan’. Pekara nya mega

Batu Kawa deka bisi ‘water park’

KUCHING: Peranak ba Sitak Kunsil Nengeri (DUN) Batu Kawa deka terus ngasaika transformasyen pemansang lebuh pengawa ngerichah peluang dagang temuai ari perambu ngaga taman rekreasyen

BERITA TERBARU