Pengaji di Indonesia ‘puni’ rian Musang King

SEPANG: Bisi 16 igi rian Musang King berega RM6,000 ti deka dibai ngagai Indonesia mujur dirampas Opis Servis Kuarantin enggau Meresa Malaysia (MAQIS) ba Padang Bilun Entarabansa Kuala Lumpur kena Hari Dua tu tadi laban nadai permit eksport enggau setipikit fitosanitasyen.

Pemangku Direktor MAQIS Selangor Zamri Hashim madahka sida meresa empat kutak ngundan rian pemerat 56 kg nya ti dibai siku lelaki urung pukul 12.30 tengahari enggau lelaki nya puntan mantaika permit eksport enggau setipikit fitosanitasi.

“Buah rian nya dipechaya deka dianjung ngagai pengaji iya ba Indonesia,“ ku iya nerang.

Ku iya, pengawa eskport buah, jelu, karkas, ikan, produk betanam betupi tauka tanah nadai permit nya salah nitihka Seksyen 11(2), Akta Perkhidmatan Kuarantin dan Pemeriksaan Malaysia 2011 lalu enti ditemu salah ulih kena ukum enda ngelui ari RM100,000 tauka dijil enda ngelui ari enam taun tauka kededua sekali.

“Pekara tu dikena nyamin pengelikun produk betanam betupi enggau pemakai menua.

“Kelimpah ari nya, atur tu nentuka pemakai ti dibai ngagai luar Malaysia nya nitihka atur ti udah ditetapka,” ku Zamri seraya madahka sida deka neritka atur ba pintu penama Malaysia.—BERNAMA.

Suara Sarawak