DARO: “Aku meda pengari rayat ba Daro tu udah gawa enggau manah, nyadi enda salah endur kitai meri iya nyadi chalun baru ba pengawa bepilih besai ti deka datai.”
Pia ku terang, Kepala Menteri Datuk Patinggi Abang Johari Tun Openg ke udah meda pengawa digaga penyandang Dun Daro Safiee Ahmad ti ngarika Parti PBB dibaruh GPS terang udah mandangka pengawa manah ngelama tu.
Taja pia, Abang Johari madah bedau datai maya iya endur iya diatu madahka nama chalun ke deka bediri ba Pengawa Bepilih Besai Nengeri ila lebih agi ba sitak Daro enggau ke bukai.
Pekara tu laban ku iya patut dikerandau enggau bakih bukai dalam parti sebedau diputuska nama chalun ke bekaul.
Pia mega ku iya, lebuh ditanya pasal tganggungpengawa genap adun ke digelar ‘mantan’ sebedau tu sekalika agi bediri, Abang Johari nyebut ‘ulu lunga’ jaku ‘mantan’ nya nyangka deka lenyau.
Udah nya maya aum pemberita Program Tuai Begulai Enggau Rayat ba Dewan Masyarakat Daro ditu, ensana Abang Johari mega andal madah pemansang ba sitak Kuala Rejang diatu majak mansang, raban sida chukup landik nyendiaka bemacham pemansang ekonomi ke ulih mantu nyungkak penatai pemisi rayat.
“Tang pekara ke lebih beguna iya nya sitak tu patut ngembuan perengkaguna
infrastruktur jalai ke menyana, nyengkuam bisi jematan enggau bekal karan, ai ke diatu benung digaga ba sekeda endur.
“’Insya Allah’ ujung taun Langgur Pemansang Malaysia ke-12, semua nya deka tembu enggau disikap ba sitak tu,” ku iya.
