Pengawa milih soldadu lelaki Zon Sarawak dibuka September

KUCHING: Pengawa milih Soldadu Biak (Lelaki) Renggat Ke-191 ungkup taun 2019 deka dibuka bulan baru.

Barang sapa ti berumur enda kurang ari 18 taun sereta enda lebih ari 25 taun kena 23 November 2019, diperansang sama datai nguji minta nitihka palan ke udah ditetap.

Ungkup Zon Sarawak, pengawa milih soldadu lelaki deka dipejalai kenaka 7 ngagai 8 September tu di MK 3 BGD, Kem Penrissen, Kuching.

Udah nya, kena 10 September di 3 RRD Kem Oya, Sibu lalu 12 September bepalan ba 20 RAMD, Kem Sri Miri, Miri.

Kita dipinta mai kad pengelala ke asal enggau salin, setipikit SPM asal enggau salin, setipikit pemati indai tauka apai (ngagai sida ke udah nadai indai tauka apai), setipikit badu sekula ke asal enggau salin, surat tikah enggau surat beranak anak (ngagai sida ke udah kawin), salin kad pengelala apai indai tauka waris, setipikit diploma enggau transkrip asal besereta salin, selimpir gambar saiz pasport, sereta sampul surat pos ekspress (ungkup chalun Sarawak enggau Sabah).

Lambang ATM

Sida ke deka minta tu patut ngembuan Sijil Peperiksaan Malaysia (SPM) enggau setipikit bukai ti setipak, lalu pengelebih deka diberi ngagai sida ti pas ba subjek Jaku Melayu, Jaku English, Matematik enggau Sains.

Kelimpah ari nya, sida ti ngembuan setipikit pengelandik bidang teknologi pemadah (IT) enggau penyulut lumba renggat nengeri sereta ulih bemain kereban muzik mega tau minta.

Sida ke lelaki patut ngembuan peninggi enda kurang ari 1.62 meter, berat enda kurang ari 47.5 kilogram enggau Indeks Pemerat Tubuh (BMI) entara 18.0-26.0.

Semina chalun ti pas aja deka dirintai pandak nitihka pengawa milih renggat penudi.

Mensia mayuh ti deka nemu penerang enggau silik tau meda ba ruai internet army.mod.gov.my tauka nanya ngagai ‘Sel Pengambilan Perajurit Muda Tentera Darat Pampang Pengereja Pengawa ba lumbur telefon 03-2071 6030/3926/4254.

Suara Sarawak