ARTIKEL

Pengawa ngintu enggau nyaga pesaka Iban tanggungpengawa semua

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Pengawa ngintu enggau nyaga pesaka bansa Iban nyadi tanggungpengawa semua laban nya sebagi ari chara kitai bebasaka kereban lama enggau ngerembai pengaya bansa.

Sapit Premier Sarawak ti mega Chairman Yayasan Main Asal Dayak (DCF), Datuk Amar Douglas Uggah Embas madah, nya alai DCF ngepunka singkang ngerandau sekeda pekara ti besangkut paut enggau pesaka bansa Iban nengah Simposium enggau Ekspo Pesaka Bansa Iban 2024 besuluka jaku Reta Tengkira Lanting Bansa.

“Tuju simposium enggau ekspo tu endang ngerandau guna nyaga enggau ngintu pesaka lama bansa kitai Iban.

“Kami deka nyendiaka kita pelasar endur bekunsi enggau besilih penemu pasal isu ti ditapi sereta pemar pesaka kotemporari jeman diatu awak ulih meruan dijaga,” ku iya.

Uggah bejaku munyi nya rambau Simposium enggau Ekspo Pesaka Bansa Iban 2024 ti besuluka jaku Reta Tengkira Lanting Bansa ba Yayasan Main Asal Dayak (DCF) ditu, kemari.

Ku iya, DCF mega ngembuan juluk ngayan enggau ngelakuka pengaya pesaka lama bansa Iban awak ulih meransang raban bansa Iban empu ngembuan tanggungpengawa ngintu pesaka sida.

“Ari nya, DCF diberi peluang muka kerejasama enggau rentayan besai begulai raban profesional, pengelicha universiti, artis enggau pemekuh pesaka asal tu.

“Kami mega deka narak penyedar ngagai raban penempa polisi enggau raban bekaul awak sida nemu pasal guna ngintu, nyaga enggau ngetanka pesaka bansa nya,” ku iya.

Uggah madah baru, penyelai pesaka enggau main asal etnik nya mega nyadi aset ekonomi ba industri dagang temuai menua.

“Genap komuniti di Sarawak ngembuan pesaka bansa kediri empu ti meruan dijaga enggau dipandang ngagai menua luar.

“Sebaka enggau etnik bukai di Malaysia, kami deka raban bansa Dayak ulih nyaga enggau ngintu pesaka bansa tu ngambi ulih dipeda orang luar.

“Kami enggai meda pesaka bansa tu lenyau tauka punas, taja pen nya nyadi penangi pemadu besai ngagai kitai dudi hari,” ku iya.

BERITA LAIN

BERITA TERBARU

Nanta kesal akaun TikTok palsu guna namanya

KUCHING: Menteri Kerja Raya Datuk Seri Alexander Nanta Linggi menjadi mangsa pihak tidak bertanggungjawab apabila terdapat akaun TikTok palsu yang menyamar menggunakan nama Alexander Nanta

Impian enam tahun tercapai, terima kasih Datuk Ding !

BINTANGOR: Impian enam tahun seorang remaja perempuan untuk mendapat kelulusan taraf kewarganegaraan akhirnya kesampaian apabila permohoban itu diluluskan oleh Kementerian Dalam Negeri (KDN). Permohonan remaja