Pengelantang rayat dikemerat

ASAJAYA: Bisi 269 buah lot Skim Nangkir Genturung Pendiau (SPK) deka digaga ba Kampung Sambir ungkup pengelantang pendiau peranak ba genturung pendi

Menteri Dagang Temuai, Seni, Main Asal ti mega Adun Asajaya Datuk Abdul Karim Rahman Hamzah madahka semina perintah ti ngemeratka pengelantang rayat aja ulih ngaga pekara baka tu.

“SPK nitihka perambu Kepala Menteri Datuk Patinggi Abang Johari Tun Openg enda sebaka enggau SPK sebedau tu.

“Kelia, SPK tu nadai ditimbuk enggau manah, lalu ungkus ngemanahka lot tanah sereta ungkus ngaga rumah ditanggung penerima SPK nya empu,” ku iya.

Karim bejaku munyi nya ba program Skim Nangkir Genturung Pendiau (SPK) Kampung Sambir ti dipenyadika Kepala Menteri ditu, kemari.

Ku iya, berindik ari pemar nadai belanja, enda semua penerima SPK ulih ngentak rumah ba lot tanah sida.

“Nya ngujungka penerima SPK mayuh lubah ngaga rumah ketegal sida suntuk belanja.

“Nua alai, SPK ti baru tu dipejalai nitihka chara tiga dalam satu laban ngaul kerejasama entara perintah, Kaunsil Pemansang Pengawa Berubah enggau Mutiara Mortgage,” ku iya.

Ku iya, empas ari penatai pemisi menua Sarawak ti majak nambah, perintah Gempung Parti Sarawak (GPS) ulih meri pulai baru pengelantang ngagai rayat.

Karim mega ngarapka menua Sarawak terus diiring Kepala Menteri betuaika Datuk Patinggi Abang Johari Tun Openg seraya besampi ngambika iya meruan gerai.

Suara Sarawak