ARTIKEL

Pengelebih produk kraf Dayak patut dijaga

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Produk kraf raban bansa Dayak meseti dipasuk dalam rintai produk kraf di baruh jaga Kaunsil Kraf Sarawak.

Kaban Kunsil Nengeri (ADUN) Engkilili, Dr Johnical Rayong madah, asil kraf Sarawak chukup tebilang laban mayuh temuai menua luar rindu meda penyelai enggau penulin kraf sida.

“Kraf jari baka kain tenun tauka Pua Kumbu, baju Burie, baju Dero, tikai, kantung rutan, terabai enggau ke bukai meseti dipasuk dalam rintai produk kraf di baruh Kaunsil Kraf Sarawak ila.

“Kelimpah ari nya, rega produk tu meseti diseraris ngambi orang tengah enda beambil ulih ngagai pengeluar produk nya,” ku iya.

Johnical mansutka jaku nya lebuh ngambi bagi nyukung Rang Undang-Undang Kaunsil Kraf Sarawak ti dibantai Menteri Dagang Temuai, Industri Kreatif enggau Seni Pemerindang Datuk Sri Abdul Karim Rahman Hamzah rambau Aum Keterubah Penggal Kedua DUN Sarawak ditu, kemari.

Nangkan nya, Johnical merambu tanggungpengawa Kaunsil Kraf Sarawak tu dikerembai dikena ngelakuka kraf menua di genap bagi menua enggau pelilih menua ba menua tu.

Ku iya, kaunsil nya ulih meri latih ngagai rayat ti bekaul dagang kraf tauka pedagang kraf dalam industri kraf.

Iya mega meransang kaunsil tu ila ulih meri bantu belanja ngagai pengemeran kraf jari ngelakuka produk.

“Industri kraf patut ditumbuh ba genap bagi menua enggau pelilih menua di Sarawak awak ulih mungkur semua kandang menua tauka rumah panjai nitih tuju ordinan nya.

“Pengawa bekunsi penemu nengkebang produk kraf mega ulih dibuka nyadi silibus teknikal ba renggat setipikit awak ulih narit minat nembiak rebak baru ungkup timpuh panjai ngemujurka tuju Kaunsil Kraf Sarawak tu ditumbuh,” ku iya.

BERITA LAIN

BERITA TERBARU