Pengerai runding dikemerat

KUCHING: Komiti Pemansang Rama (MPS) Sarawak deka bejalaika lima program pemungkal bekaul pengerai runding selampur Sarawak, taun tu.

Menteri Pengintu Pengelantang Pendiau, Komuniti, orang Indu enggau Pemansang Anak Mit Datuk Seri Fatimah Abdullah madah, tiga program mit deka dipejalai nyempulang program nya ila.

“Tiga program nya iya nya Mental Health First Aid Course, Gate Keepers Suicidal Prevention Training enggau Community Mental Health Literacy.

“Tuju kitai merambu program tu berindik ari penyampau tubuh rayat ti bisi penanggul ba runding majak nambah.

“Kelimpah ari nya, pemar ditapi maya meri penerang pasal pengerai runding tu iya nya peragam komuniti bukai ngagai sida ke bisi penanggul ba pengerai runding patut diubah,” ku iya.

Fatimah madah munyi nya pengudah aum keterubah MPS taun 2020 di Begunan Wisma Bapa Malaysia ditu ensanus.