ARTIKEL

Pengerai tubuh meseti dijaga

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Sepital Pakar KPJ Kuching (KcSH) chakah bejalaika tanggungpengawa rama korporat (CSR) dikena nyendia servis nyaga pemanah pengerai komuniti ba Kampung Sungai Pinang, Ulu Skrang.

Program nya dipejalaika nengah kerejasama komuniti Kampung Sungai Pinang beserimbai enggau Hari Indu Misi Nasional 2023 ti diintu ba bulan Mei ninting taun.

Rambai jaku Hari indu Misi taun tu iya nya Indu Misi Kitai, Nentu Tunga Kuing Kitai meransang bala indu misi mantu komuniti ba tiga buah rumah panjai baka Kampung Sungai Pinang, Kampung Pincoh enggau Kampung Nanga Lalang.

Menijar Besai KcSH, Nurhazimah Mahat madah, program CSR nya diatur ninting taun dikena ngelakuka guna pengerai enggau guna meresa pengerai berenggat ngagai rayat kelebih agi ba menua pesisir.

“Program tu sebengkah tanggungpengawa KPJ Kuching dikena mantu komuniti kelimpah ngedutka pemanah kaul enggau komuniti.

“Raban sepital chukup ngemerat pengelantang rayat kelebih agi bekaul enggau pengawa nyaga pengerai.

“Nya alai, kami ditu sehari tu (kemari) ngembuan pengandal ati deka ngajar sereta meri penyedar senentang pemesai guna nyaga pengerai ngagai bala komuniti ba menua pesisir,” ku iya.

Nurhazimah mansutka jaku nya lebuh teks iya dibacha Tuai Indu Misi KcSH, Norlila Buang rambau Program CSR KPJ Kuching ba Kampung Sungai Pinang, Ulu Skrang, ditu kemari.

BERITA LAIN

BERITA TERBARU

‘Strongman Challenge’ tarik minat orang awam

KUCHING: Penganjuran pertandingan ‘Strongman Challenge’ dapat menggalakkan gaya hidup sihat dan minda yang kuat dalam kalangan anggota polis serta orang awam. Komandan Pulapol Kuching, SAC