Pengerami Balingian diatur 28-30 June

MUKAH: Pengerami N58 Balingian Gak Kampung Seberang diatur Komiti Pengatur Pengerami N58 Balingian
deka berengkah 28 ngagai 30 June 2019.

Nitihka penerang Ketuai Nembiak Parti Pesaka Bumiputera Bersatu (PBB) Kaunsil Nengeri (Dun) Balingian,
Aidil Mohamad madah ngagai Suara Sarawak, Bansal Jual enggau Lumba Rayat diatur 28 ngagai 30 June tu.

Ku iya, pengawa bemukun diatur berengkah pukul 8 ngagai 12 tengah malam kena 28 June.

“Panggau rayat deka diperindang artis Shidi Data diatur kena 29 June berengkah pukul 8.30 malam.

Pengawa Nangguh Pengerami N58 Balingian ti deka digulu Kaban Kaunsil Nengeri (Adun) N. 58 Balingian
Abdul Yakub Arbi berengkah pukul 8 malam, 30 June.

Kenu ku Aidil, ex-golkipa tim main bol nengeri Sarawak, semua aktiviti deka diatur ba Padang Main Bol Sekula
Primari (SK) Kampung Seberang, ditu.

Aidil nambah, pengerami tu berambaika jaku ‘Bah! Berambeh’ disadang deka nerima mayuh penyereta laban
mayuh aktiviti udah diperambu sepanjai tiga hari berunggu.

Suara Sarawak