ARTIKEL

Pengerami ikonik Sarawak

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Pengerami Muzik Kampung Ujan Dunya (RWMF) diatu ukai semina dikelala nyadi produk dagang temuai, tang mega pengerami ikonik ti dikena nyadi tikas pemujur Inisiatif Dagang Temuai Bisi Tanggungpengawa Sarawak.

Menteri Dagang Temuai, Industri Kreatif enggau Seni Pemerindang, Datuk Seri Abdul Karim Rahman Hamzah madah, dagang temuai bisi tanggungpengawa ti dipejalai Sarawak udah mujur nyeremin inisiatif perintah ngemujur lima Juluk Pemansang Meruan (SDG).

Nya nyengkaum SDG keempat (pelajar enggau peluang belajar sepanjai idup); SDG 12 (guna enggau pengeluar meruan), sereta SDG 17 (pengawa bekunsi dunya).

“Baka RWMF sebedau tu, sekeda inisiatif ti deka dipejalai dikena ngemansang filosofi Dagang Temuai Bisi Tanggungpengawa nya enda tau ngena plastik sekali kena lalu meransang pengawa ngena baru barang udah dikena.

“Kitai mega mansik chara inovatif ngaduka uras lalu nyendiaka bas ungkup bala pengusung dikena ngurang karbon,” ku iya.

Iya madah pekara nya dalam jaku iya ba Pengawa Bejadi RWMF2023 ditu, kemari.

Ku Abdul Karim agi, Perintah Sarawak mega udah lama ngelala pemesai guna pemeruan rampa menua ba perambu dudi hari pengudah menua suman ari igi penyakit lalu nuju pemansang ekonomi meruan.

“Kitai ngaku genap pengerami bisi bekau karbon ti besai lalu uras ti diasil deka meri empas besai enggau nyengala ngagai rampa menua.

“Ari nya, inisiatif meruan udah dikereja dikena ngatur pengerami ti nyukung rampa menua meruan ungkup RWMF,” ku iya.

Ku Abdul Karim, dikena nentuka pemeruan pesaka budaya enggau rampa menua dikemeran, opis iya udah chakah ngangkatka inisiatif dagang temuai ti bisi tanggungpengawa seraris enggau Juluk SDG Gerempung Bansa Bersatu 2030, nyukung orang dagang enggau perintah dikena nyungkak ekonomi, pekara rama sereta empas rampa menua ngagai dagang temuai.

Seraya nya, Tuai Pegawai Eksekutif (CEO) Kaunsil Dagang Temuai Sarawak (STB) Sharzede Salleh mega nyemetak madah, Sarawak nadai ngelengka pugu besai RWMF.

Ku iya, tuju nya dikena nyaga ekosistem sereta ngintu pengeraja asal ungkup rebak dudi enggau napi peminta kemaya hari tang enda ngeruga penau rebak dudi nangkup peminta sida iya empu.

“Ninting taun, RWMF meri peluang ngagai pengusung pengerami nya ukai semina ngaul diri enggau muzik sereta adat budaya dunya, tang mega nempa kaul sereta mereti ke rambai jaku enggau reti iya.

“Awak ke tu nyadi maya berundingka kaul kitai enggau rampa menua asal lalu nerima gaya muzik ti mayuh bengkah, seraya nya mereti dalam agi pasal dunya ngelingi kitai,” terang iya.

BERITA LAIN

2,000 belanda seraya ngintu rampa menua

KUCHING: Urung 2,000 penyereta ngulu program belanda pengasih besuluka jaku Run To Save Lives 4.0 ti belabuh ba mua Majlis Bandaraya Kuching Selatan (MBKS), ditu

BERITA TERBARU

Warga emas ditemui lemas di Tasik Biru

MELAKA: Seorang lelaki warga emas yang dipercayai mengalami kemurungan ditemukan lemas di Tasik Biru, Chin Chin, Jasin malam ini. Komander Operasi Kanan Jabatan Bomba dan

Rangka manusia ditemui dalam semak kebun durian

BATU PAHAT: Rangka manusia yang ditemukan dalam semak di kebun durian berhampiran Kompleks Penghulu Mukim Linau, dekat sini, adalah milik remaja yang dilaporkan hilang sebelum

Pilih taska berdaftar, pentingkan keselamatan

KUALA LUMPUR: Ibu bapa dinasihatkan untuk memilih taska yang berdaftar bagi memastikan keselamatan dan kesejahteraan anak-anak mereka. Presiden Persatuan Pengasuhan dan Perkembangan Awal Kanak-Kanak Berdaftar