ARTIKEL

Pengeransing belajar resia John Watson nyadi keling dunya

Facebook
Twitter
LinkedIn
WhatsApp
Telegram

NGEMBUAN pengandal teulihka pemujur ba Pekit Keling, dia Frank anak Gassan setuju deka ngembing John Watson Tamin bepekit nyentuk ba tikas dunya.

Peranak asal Rumah Layang, Sungai Siong, Sibu nya mega madahka diri berasai temegah meda pemujur enggau pengeransing John ngangkatka diri ari pekit keling keterubah nyentuk ngempu gelar Mr Heritage International 2023.

Lebuh dirandau, dia Frank bekunsika kenang keterubah betemu enggau John lalu majak ngembing enggau ngansah bakat iya datai ba tikas pemadu tinggi.

“Terubah suba, aku ngelala John Watson tu ari bakih iya benama Fredrick Rino.

“Ba taun 2019, seduai iya deka nyuwa ngepan dikena bepekit keling di panggau Pekit Keling diatur Komiti Pemansang enggau Pengelikun Genturung Pendiau (JKKK) Taman Malihah, Kuching.

“Tang tudah aku enda nemu deka meri berapa suwa ngagai seduai laban agi baru ba pengawa nya.

“Bisi aku udah kala nganjung penyereta tang ngepan aku bisi pengurang enggau pengelemi, nya kebuah aku agi bisi penangi nyuwa ngepan ngagai seduai.

“Aku pen madah terus terang ngagai seduai enggai nyuwa ngepan tang enti nyema seduai deka disabung aku ba panggau Pekit Keling, aku setuju deka nyuwa ngepan nya,” ku Frank.

Baca lain  Mainkan peranan perangi rabies dengan lebih serius

NGEMBING

Nampung baru, Frank, 41, madah, terubah nyabung John Watson bepekit keling, iya naka ulih ngajar penemu pasal main asal ditemu iya ngagai John Watson.

Kelimpah ari nya, iya mega madahka minta siku ari bakih iya benama Jeffry anak Aning ngajar John Watson senentang chara bejalai atas panggau.

Tambah mega ku Frank, Jeffry tu ngembuan peneleba laban gawa ba Kampung Budaya Sarawak lebuh nya.

“Lebuh bepekit keling diatur JKKK Taman Malihah, dia John Watson mujur mai gelar Bungai Nuing.

“Seminggu udah nya, Serakup Nasional Dayak Sarawak (SDNU) Siol Kandis mega bisi ngatur pekit keling, aku sekali agi nyabung John Watson lalu bulih gelar Laja,” terang iya.

Berindik ari pemujur nya, Frank ngasaika John Watson tu bisi bakat besai sereta ransing belajar senentang adat enggau main asal kitai Iban.

Pengudah meda bakat besai enggau pemagas John Watson belajar adat enggau main asal udah meransang Frank nguji rejister nama iya ba tikas nengeri Sarawak iya nya ba panggau Raban Ngepan Iban (RNI) 2019.

“Kebuah aku nganjung iya ba panggau RNI laban ba penemu aku, RNI tu siti gerempung ukai dikuasa perintah 9NGO) ti ngatur pengawa jauh bida ari pekit bukai.

Baca lain  1,262 pegawai, anggota polis Sarawak sedia digerakkan hadapi banjir

“Ba pekit RNI tu, bala pemekit bisi diajar pengajar ti chukup mayuh penemu enggau peneleba dikunsi ngagai rebak baru ti rinduka adat enggau main asal kitai Iban.

“Taja pia, dikena nambahka penemu John, aku ngasuh iya nuntut penemu ba orang tuai ti landik ba main asal kitai Iban lalu mai iya ngagai menua Ulu Layar enggau Ulu Luban, Betong.

“Ba pekit RNI nya, laban udah chukup sedia enggau penyikap, John Watson mujur menggi gelar Keling sereta anugerah bukai baka Keling Pemadu Mentas enggau nyadi Duta RNI pengelama dua taun,” ku Frank tuchum gaga.

NYULUK TIKAS DUNYA

Ari pemujur menggi gelar Keling RNI, dia Frank ngasaika John Watson ulih nyuluk tikas ke tinggi agi kelebih agi tikas dunya.

Frank madahka diri enda kala ngelengka John Watson tang majak ngiring enggau meri jaku ajar baka ni nyadi orang ti dikelala enggau dibasa.

“Suah aku meri jaku peransang ngagai John Watson semampai ngemaruhka diri lalu bebasaka orang bukai.

“Baka padi makin berisi makin tunduk, anang guai engkadah ke langit laban peninggi langit agi bisi utai ke lebih tinggi ari nya.

Baca lain  Sarawak tidak had penggunaan bahasa

“John Watson mega semampai betanya enggau minta anak penemu ba aku.

“Lebuh bepekit ba tikas dunya, aku meh orang ke chukup gaga laban pengeransing ngembing iya ngelama tu enda lebu pia aja tang nyengenda dipeda ba mua mata.

“Nuju rebak baru, kita meseti ngembuan pemerani lalu anang malu mantaika diri enti bisi pengerindu ba adat enggau main asal kitai Iban.

“Ari baruh kitai ensuruk, udah tentu pagila lusa tua tau bediri baka orang bukai. Ingat, genap pengawa ti udah bebendar dikereja kitai udah tentu deka mansutka asil ti manis.

“Nyau ngenang pasal dagang, aku bisi dagang servis begambar ngena ngepan Iban, gaun enggau baju kot.

“Aku mega bisi nyendiaka pakej ngaga panggau pengantin ngena motif Iban enggau moden,” ku Frank bekunsi dagang iya.

Nya alai, mensia mayuh ke deka ngujika servis disediaka Frank, kita tau Whatsapp ngagai iya ba lumur, 01119328994 enggau med aba Facebook Pages, F.G BRIDAL COLLECTION STUDIO SIBU.

Kelimpah ari nya, iya mega bisi muka siti studio di Bintulu begulai enggau Jemat Studio.

BERITA LAIN

Hina Premier Sarawak, tiga Setiausaha lapor polis

KUCHING: Tiga Setiausaha kepada Premier Sarawak bertindak membuat laporan polis berhubung kes dipercayai menfitnah Premier Sarawak, Datuk Patinggi Tan Sri Abang Johari Tun Openg oleh

BERITA TERBARU

Hina Premier Sarawak, tiga Setiausaha lapor polis

KUCHING: Tiga Setiausaha kepada Premier Sarawak bertindak membuat laporan polis berhubung kes dipercayai menfitnah Premier Sarawak, Datuk Patinggi Tan Sri Abang Johari Tun Openg oleh