Penuduk Bawang Assan sigi ditan

KUCHING: Parti Sarawak Bersatu (PSB) deka bediri minta pilih ba semua sitak Bepilih Kunsil Nengeri (Dun) nyengkaum ba penuduk angat dipenggi Parti Pesaka Bumiputera Bersatu (PBB) maya Pengawa Bepilih Nengeri Ke-12 (PRN12) deka datai.

Presiden PSB Datuk Seri Wong Soon Koh madah, tu nyengkaum Dun Bawang Assan lalu madahka diri deka ngetanka penuduk sitak nya.

“PSB udah sedia nyatup lalu naka ulih ngetanka penuduk PSB di Bawang Assan.

“Dr Annuar udah madah baka nya, pia mega Romeo, nya mandangka sida udah sedia nyatup aku,” ku iya lebuh dirandau pemberita pengudah nyuaka bantu pengasih ngagai The Salvation Army Boy’s Home ditu tadi.

Apin lama ke udah, Mandal Presiden PBB Dr Annuar Rapa’ee madahka udah datai maya alai Dun Bawang Assan diarika chalun PBB ari komuniti Iban kelebih agi peranak menua nya.

Taja pia, Soon Koh enggau nyemetak madahka diri deka seruran ngetanka penuduk PSB di Bawang Assan.

“Aku ti dipadu nyadi Presiden parti tu deka ngetuaika bala kami nyatup semua chalun ila.

“Tu siti pengawa berebutka penuduk ngena jalai manah, semina orang pemadu manah deka menang, tejuka rayat empu milih pengari dikerindu sida,” ku iya.

Iya mega madahka PSB udah mantaika chalun ti deka besatup enggau lima chalun sitak bepilih di Opar, Tasik Biru, Batang Ai, Engkilili enggau Balai Ringin.

Suara Sarawak