Penumbuh Kaunsil Pengajar Ekonomi S’wak disukung

KUCHING: Strategi Mulaika Pemanah Ekonomi Pengudah Covid-19 nyentuk 2030 dibantaika Kepala Menteri Datuk Patinggi Abang Johari Tun Openg siti pemutus ti patut disukung kena mulaika baru ekonomi nengeri tu.

Adun Layar Gerald Rentap Jabu madah, Perintah Sarawak ngembuan tinjau penemu chukup jauh nengah penumbuh Kaunsil Pengatur Ekonomi Sarawak ti deka ngelangkar program ke ulih nyungkak ekonomi Sarawak.

“Dua batang pekara nyadika sukung polisi perintah iya nya ekonomi digital enggau penegap rampa menua.

“Ari pekara tu, kitai ulih ngemansangka industri nengeri sereta ngetanka rampa menua ngena ekonomi digital,” ku iya lebuh dirandau Suara Sarawak, tadi.

Ku Gerald, menua Sarawak chukup besai sereta mayuh rampa menua asal ti ngulihka kitai bekenaka kuasa hidro elektrik.

“Pengawa ngena ekonomi digital baka Palan Penerang, Penerang analitik, Pekara Nyata, artificial intelegence (AI) enggau ke bukai begunaka mayuh kuasa elektrik.

“Tu mih maya ngena kuasa hidro ti meri bekal karan nadai betatak ngambika kitai ulih bekenaka teknologi digital seriris enggau pinta Perintah Sarawak,” ku iya nerang.

Suara Sarawak