Penusah tanah tusur di Buai Melanjan diputar lengkas

BETONG: Penusah tanah tusur ba Jalai Buai Melanjan enggau Rumah William Nanang Buluh Antu deka diputar lengkas.

Adun Layar, Gerald Rentap Jabu madah, pengawa deka dipejalai pengudah ripot penuh ari Opis Kereja Raya (JKR) tembu.

Iya madahka diri berasai sinu meda penusah ke nuntung peranak ba Rumah William nya.

“Taja pia, nasip amat nadai kes bebadi nyawa nyadi ketegal penusah tanah tusur tu.

“Ungkup atur bukai udah tu, aku agi nganti ripot penuh ari JKR,” ku Rentap nerang.

“Aku ngarapka penusah tu ulih diputar lengkas ngambi enda nekul pengawa besehari-sehari peranak dia,” ku iya madah ngagai Suara Sarawak, ditu tadi.