AFRIKA SELATAN: Siku injinir kimia ba Afrika Selatan mujur tetemu ke chara baru dikena ngaga tepung ba pengawa ngaga pemakai iya nya ngena ulat bulu.
Wendy Vesela madah, ulat bulu nya bechura gadung enggau chelum ti dikelala agi ngena nama ulat mopane.
Ulat nya ulih diinjin nyadi tepung dikena ngaga ruti, bar protein chokelit, leka utai dikena ngirup tauka ai irup smoothie.
Enti udah dikesuh lalu ditetak, lumpung ulat bulu nya tau ditabur ba atas piza lalu tebal agi orang Eropah ngumbai pengawa makai ulat bulu nya pekara ti balat ngenakut.
Vesela madah, ulat nya ngundan mayuh nutrisi lalu pengawa nupi ulat nya enda ngerusak rampa menua.
Kaban antropologi pemakai, Anna Trapido madah, ulat mopane nya patut diempa penuh basa laban ulat nya sebagi ari emosyen mensia mayuh, pekara pengarap enggau sebansa pengawa nyumai.
