ARTIKEL

Penyampau kes positif ngirauka ati

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

SARIKEI: Peranak Sarikei mesti nitihka semua Atur Pengawa Standard (SOP) ngambika terus nagang pengelekai Covid-19 di pelilih menua tu.

Menteri Muda Perambu Mengeri, Pengatur Tanah enggau Rampa Menua, Datuk Len Talif Salleh madahka kes positif Covid-19 Sarawak ba situasyen ngirauka ati laban nyau majak niki manggai lebih 1, 900 kes.

Nangkan ke nya ku iya, kes pemadu tinggi naka tu manggai 2,548 kes lalu pelilih Kuching mengkang ngerikodka kes positif ke pemadu tinggi.

“Taja pia, aku berasai gaga ati laban nyentuk 21 Ogos tu nadai kes dirikodka ba Tanjung Manis,” ku iya nengah penerang ke dibantai ba Facebook iya, sehari tu tadi.

Berindik enggau nya, iya ngelalauka semua raban nyaga diri, bala sebilik sereta nitihka SOP ke udah diatur.

“Nya alai, nyaga pemeresi endur diau baka nyaga sitak endur kereja, ba luar enggau dalam rumah pemadu beguna kelebih agi ba sitak ke nyengkaum endur mensia mayuh.

“Berebak enggau nya, aku minta ngagai semua peranak N.41 Kuala Rajang senampai nitih sereta pechaya penuh ngagai perambu perintah mukaska pandemik Covid-19 nengah vaksinasyen,” ku iya.

BERITA LAIN

BERITA TERBARU