ARTIKEL

Abang Johari ba aum media pengudah Aum Kaunsil Supreme Parti Pesaka Bumiputera Bersatu (PBB) di Indu Opis parti nya di Jalai Bako, kemari. - Foto: UKAS

Penyampau tikas penyeranta Sarawak nurun

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Perintah Sarawak andal amat penyampau semua tikas penyeranta di nengeri tu udah nurun kenyau ari penuduk nyadi pelilih menua bepenatai pemisi tinggi agi tegap dalam rintai Bank Dunya.

Premier Sarawak, Datuk Patinggi Tan Sri Abang Johari Tun Openg madah, kelai penyeranta udah jauh kurang kenyau ari dua taun ke udah laban gaya pengidup komuniti menua pesisir udah berubah.

“Keterubah, tebal agi rumah panjai enggau genturung pendiau berubah lalu mayuh peranak menua pesisir udah bisi perengka pengangkut kediri empu.

“Kedua, bisi mega sida ke agi dirintai dalam Sistem eKasih taja pen sida udah bisi kerita lalu rumah sida bisi aircond.

Iya madah munyi nya dalam aum media pengudah Aum Kaunsil Supreme Parti Pesaka Bumiputera Bersatu (PBB) di Indu Opis parti nya di Jalai Bako, kemari.

Ngelansa silik agi, Yang Dipertua Parti PBB nya madah, pengawa mansik enggau silik statistik penyeranta di menua pesisir benung chakah dipejalai nengah Unit Perambu Ekonomi (EPU).

Berindik enggau nya ku iya, penyampau kebendar rayat ke agi dalam kategori seranta deka dipadah ba pengawa mantaika Bajet Sarawak 2025 bulan November ti deka datai.

“Nama utai ke nyadi iya nya kitai bisi data ke disimpan dalam EPU.”

Enti nitih, eKasih tu iya nya sida ke ari baruh kategori seranta ke semina patut diberi bantu aja.

“Betaun-taun ke udah, sida kebendar udah majak manah sereta nadai agi ari baruh kategori penyeranta laban aset sida udah nambah, penatai pemisi sida mega nambah.
Tang bisi individu ke enggai pansut ari rintai nya laban agi deka nerima bantu,” ku iya.

Sama datai ba aum media iya nya Sapit Premier Sarawak, Datuk Amar Douglas Uggah Embas enggau Datuk Amar Awang Tengah Ali Hasan, Speaker Dewan Kunsil Nengeri (DUN) Sarawak, Tan Sri Datuk Amar Mohamad Asfia Awang Nasar, Sapit Menteri Besai Datuk Seri Fadillah Yusof, Menteri Kereja Raya Datuk Seri Alexander Nanta Linggi, Menteri Utiliti enggau Telekomunikesyen Sarawak Datuk Seri Julaihi Narawi enggau Menteri Pelajar, Inovasyen enggau Pemansang Bakat Sarawak Datuk Seri Roland Sagah Wee Inn.

Sama bisi datai Menteri Pemansang Indu, Nembiak Mit enggau Pengelantang Komuniti Sarawak Datuk Seri Fatimah Abdullah, Menteri Dagang Temuai, Industri Kreatif enggau Seni Pemerindang Sarawak Datuk Seri Abdul Karim Rahman Hamzah, Menteri Pemansang Indu, Ruang Bilik enggau Komuniti Datuk Seri Nancy Syukri sereta bala kaban parti PBB ke bukai.

BERITA LAIN

BERITA TERBARU

Projek naik taraf lima jalan di Meradong siap

BINTANGOR: Penduduk lima penempatan di Meradong kini menikmati kemudahan yang lebih selesa apabila pelaksanaan lima Projek Mesra Rakyat (PMR) membabitkan kerja baik pulih jalan raya