Penyampau tubuh masuk kelas ngajat betambah

MIRI: Pengerami Tamat Belajar Ngajat Renggat Kedua Kelab Main Asal Miri mujur diatur kena lemai 12 Disember nyin tadi.

Sekretari iya, Tajem Sinok madahka serak tu bisi 11 iku lelaki enggau 13 iku indu mujur nembuka kelas belajar ngajat sida.

“Kitai temegah ati meda pemanah timbal enggau sukung diterima ari penyampau tubuh sida ke masuk kelas tu bisi nambah.

“Enti dibanding renggat keterubah suba, semina sida ke lelaki ke betubuh 20 iku aja masuk kelas tu.

“Ari nya, kami bisi amat pengandal tuju enggau juluk ati deka ngajar mayuh agi orang nemu main asal lebih agi Ajat Iban tu ulih dijapai,” ku iya lebuh dirandau Suara Sarawak.

Tajem mega madah, pemujur serak tu deka nyadika peransang sida sebuat chakah agi ngatur kelas ke sama udah tu sereta matak mayuh agi orang bukai lebih agi rebak baru.

Sama datai Chairman Kelab Main Asal Miri, Cornelius Kawat disempulang bala kaban kelab enggau bala ke bukai.

Pengerami lemai nya mega richah enggau sida ke tamat bela mantaika pengelandik diri ngajat atas panggau nyengkaum Cornelius empu.

Berita penuh Ruai 8 pagila