KUCHING: Program Rami Gawia Sameba 2023 (RGS23) dipeda entara inisiatif ti chukup manah ngayanka penyelai dikembuan Sarawak.

Sapit Premier, Datuk Amar Douglas Uggah madah, nya mega kelai penyerakup dikembuan Sarawak.

Iya madah baru, penteba khas nya mega diaku tuai ari luar rantau tu.

“Nya kebuah, program RGS23 tu dipuji enggau meseti dichunto dikena ngetan adat enggau main asal.

“Nengah program nya, bemacham pemerindang dipandang dikena nyagu pengeraja adat enggau main asal.

“Kitai meseti nentuka rebak baru terus diberi peneleba pasal semua tu ungkup pemaik enggau identiti anak uchu,” ku iya.

Uggah mansutka jaku nya lebuh bejadi gempuru RGS23 di Balai Mayuh Guna nya, malam kemari.

Berebak enggau nya, iya ke mega Menteri Infrastruktur enggau Pemansang Penyangkai Kapal mega ngelansa pasal pemujur gempuru tu berekat rayat begempung.

“Pemansang enggau pengelantang kenyau ari 60 taun udah dijapai laban rayat kitai beserakup,” terang iya.

Berebak enggau nya ku iya, penyerakup tu mega ulih nyadi pematak kelimpah ngelaku sebuah sitak nyadi palan dagang temuai.