ARTIKEL

Penyelai rampa menua Gua Pari Pari

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

MENSIA mayuh ti rindu nyerungkai pemanah enggau penyelai rampa menua tulin ti bebatu diperansang ngelawa Bagi Menua Bau, Sarawak.

Kebuah pia laban bagi menua nya ngembuan mayuh rampa menua gadung, bukit bebatu, gua, sungai enggau ti bukai.

Siti rampa menua tulin bebatu ti bisi dia lalu nyadi palan pematak temuai iya nya Gua Pari-Pari tauka dikumbai Fairy Cave.

Struktur batu stalagmit ba mua gua nya chukup nyelai enda nyalah baka Petara China lalu nya kebuah gua nya dikumbai Gua Pari-Pari.

TEMEGAH…Bala pengusung deka temegah sereta alit ati meda penyelai batu enggau rampa menua dalam Gua Pari-Pari.

Gua nya urung lapan kilometer (km) penyauh tauka urung 11 minit pejalai ari Pasar Bau sereta 42km tauka urung 45 minit pejalai ari Indu Mengeri Kuching enti ngena entukar.

Palan pematak temuai nya dijaga raban Kaunsil Kampung Sarawak (SFC) sereta dibuka ngagai mensia mayuh berengkah ari pukul 9 pagi nyentuk 4 lemai ninting Hari Dua nyentuk Hari Minggu lalu tutup kena Hari Satu.

Bayar tama ngagai palan nya semina RM1 ungkup orang besai tuai tang nadai bebayar ungkup bala nembiak.

Mensia mayuh ti deka tama ke dalam Gua Pari-Pari diperansang ngena kasut lalu raban SFC ti nyaga palan nya bisi nyendia servis nyuwa kasut ngagai bala pengusung ti nadai bebai ke kasut.

Pia mega, Gua Pari-Pari nya dikelingi mayuh palan pematak temuai ti bukai baka Gua Angin tauka Wind Cave, Tasik Biru, Pasar Serikin, Paku Rock Maze Garden enggau mayuh agi ti bukai.

Kitai bela nemu, genap gua tauka palan ngelantang ati tulin ti bukai sigi bisi ngembuan cherita tauka resia kediri empu.

Kenu ku cherita, bisi seraban orang ti diau dia menyati nembiak mit lalu ngujung ke sida disumpah Petara ti nguan gua nya nyadi batu.

ALIT ATI…Sekeda batu ti bisi dalam Gua Pari-Pari ti nyadi ketegal timbal kimia ngagai batu dia. – GAMBAR ELIJAH TING

Taja pia, nya semina cherita orang tuai kelia ti ditampung ari mulut ke mulut sereta nadai temu pengamat.

Kebendar, gua nyadi ketegal timbal kimia ngagai batu lalu nya nyadi ba timpuh ti lama iya nya beribu taun ti udah.

Lebuh kitai tama ke dalam gua nya, kitai deka temegah enggau alit ati meda penyelai batu ti bisi dia.

Gaya dalam Gua Pari-Pari nya tau ngasuh kitai beterima kasih laban menua kitai ngembuan penyelai rampa menua ti patut diserungkai.

Lebuh kitai meda batu bekechukak sekali ke nya ari atas tauka ari baruh dinding gua, nya dikumbai kitai stalaktit enggau stalagmit.

Stalaktit nya batu ti bekechukak ba dinding atas gua lalu stalagmit nya sebengkah batu ti bekechukak ba dinding baruh gua.

Stalaktit enggau stalagmit nya nyadi ketegal timbal kimia ngagai mineral dalam batu lalu nya nyadi ba timpuh panjai baka bepuluh, beratus tauka beribu taun.

Nya alai, mensia mayuh ti rindu nyerungkai pemanah enggau penyelai rampa menua tulin diperansang ngelawa Gua Pari-Pari.

Sampal meh bebai ke diri sebilik, bala bakih tauka orang dikesayau laban nya peluang manah dikena ngedut pemanah kaul kelimpah muai penusut runding pengudah gawa.

BERITA LAIN

Nempa Sarawak nyadi tibang pemakai

TUSUN KETERUBAH MINAT Reynold anak Jacktola, 29, ti rindu agi dikangau Nol ba pengawa betanam betupi nya endang dikembuan iya ari mit laban iya datai

Tebing Sungai Saratok deka diseleti meruan

SARATOK: Perintah Sarawak deka nyeleti pengkalan ba seberai Pasar Saratok enggau jematan dikena ngelayang Sungai Paon. Kaban Kunsil Nengeri (ADUN) Kalaka, Mohamad Duri madah, sepenyampau

BERITA TERBARU

Didik anak-anak untuk elak gangguan seksual, rogol

KUCHING: Agensi kerajaan bersama Pertubuhan Bukan Kerajaan (NGO) bekerjasama dalam memberi didikan sentuhan selamat dan sentuhan tidak selamat kepada kanak-kanak dalam usaha meningkatkan kesedaran akan