ARTIKEL

Penyerakup tungkat pemujur menua

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Penyerakup rayat di Sarawak endang tungkat pemujur nengeri tu jemah ila, ku Sapit Premier Sarawak, Datuk Amar Douglas Uggah Embas.

Ku iya, pengelikun, pemanah kaul sereta penyerakup rayat ke ngembuan mayuh budaya, raban bansa sereta jalai pengarap ulih mai pemereti ati ti manah agi ngagai pangan diri.

“Ari nya, kitai meseti ngena awak negapka kaul entara kitai enggau ngintu pengerami pupu raban bansa.

“Enggau chara tu, kitai ulih nempa pemanah kaul dalam komuniti nadai ngira penuduk rama sereta raban bansa,” ku iya.

Teks jaku Uggah dibacha Sapit Premier Sarawak Datuk Seri Dr Sim Kui Hian lebuh ngulu Pengerami Ngintu Taun Baru 180 BE Baha’i ba sebengkah hotel ditu, malam ensanus.

Iya mega ngelalau mensia mayuh semampai begulai enggau pangan diri nadai ngira raban bansa enggau jalai pengarap sida.

“Kitai deka ke pemaik enggau pengelantang semampai meruan ungkup kemaya hari enggau jemah ila,” ku iya nyemetak.

Tu meh keterubah iya Unit Pekara Agama Bukai (Unifor) enggau Gerempung Pengarap Baha’i Sarawak begulai ngatur Pengerami Ngintu Taun Baru Baha’i, Naw-Ruz.

Taun Baru Baha’i, Naw-Rúz taun tu diintu kena 21 March kelai hari keterubah musin bungai ba Hemisfera Utara (Ekuinoks Vernal) sereta hari keterubah dalam kalinda Baha’i.

Naw-Rúz diintu sida ke megai pengarap Baha’i ba selampur dunya pengudah bepuasa pengelama 19 hari belabuh ari 2 ngagai 20 March tu tadi.

BERITA LAIN

2,000 belanda seraya ngintu rampa menua

KUCHING: Urung 2,000 penyereta ngulu program belanda pengasih besuluka jaku Run To Save Lives 4.0 ti belabuh ba mua Majlis Bandaraya Kuching Selatan (MBKS), ditu

BERITA TERBARU

Rose Blackpink sertai The Black Label

PENYANYI KOREA, Rose Blackpink menandatangani kontrak pengurusan dengan The Black Label, diketuai oleh penerbit Teddy. “Kami menandatangani kontrak pengurusan dengan artis Rose. “Penerbit Teddy dan

Pentas peragaan sentuhan Syafiq Kay

AKSI, kecekapan dan keanggunan pentas peragaan penting untuk menyerlahkan ratu cantik. Jurulatih pentas peragaan Sarawak, Shafi k Kay menyertai bidang peragaan dan kecantikan ratu cantik