Penyiru apai indai dicheremin ari pengiruh ke pelajar anak

SIMANGGANG: Apai indai enda tau enda ibuhka pemansang pelajar bala anak sida, ku pemungkal Serakup Projek Pensel, Norina Umoi Utot.
Ba Taun Baru 2021 tu, kitai nyingkang ngena niat enggau juluk baru nunda arus pemansang dunya ti begunaka pelajar nyadika tungkat kena bejalai (maju) nuju pengidup ke menyana jemah ila.
“Apai indai ti deka kiruhka pelajar bala anak sida nya chunto apai indai ti siru enggau kasihka bala anak.
“Nama kebuah aku nyebut munyi nya laban apai indai ke ngembuan ati siru enggau kasihka anak endang enggai meda anak sida tusah tauka idup merinsa.
“Ari nya sida bisi ati kiruh ngembing anak, enti sema sida empu buta urup, abis nadai nemu nanyaka utai dipelajar, kereja sekula diberi pengajar tauka subjek dikerindu anak sida,” ku iya lebuh dirandau Suara Sarawak.
Ku Norina nambah, bala anak deka ransing sereta keras agi belajar nyapai penyulut ba pelajar enti sema nerima peransang ari apai indai sida.
Berita penuh R8 sehari tu.