Penyulut Bonnie nyadi peransang atlit bukai

KUCHING: Menteri Pengintu Pengelantang Komuniti, Orang Indu, Ruang Bilik enggau Pemansang Anak Mit, Datuk Seri Fatimah Abdullah meri pengaga ati ngagai atlit para angkat berat menua, Bonnie Bunyau Gustin.

Ku iya, Bonnie mujur mechah rikod dunya kategori senior lelaki berat 72kg enggau angkat berat 230 kilogram (kg) ba Pekit Angkat Berat Dunya Fazza ke-11, di Dubai, Emiriah Arab Bersatu (UAE), ditu kemari.

Bonnie mega mujur mai pulai midul emas enggau madamka rikod dunya dipegai Roohallah Rostami ari Iran enggau angkat berat 229kg lebuh Pekit Para Asia Jakarta 2018.

“Ba bulan Mei tu tadi, Bonnie mujur bulih midul emas ba Pekit Dunya di Bangkok, Thailand pengudah angkat berat 226kg.

“Penyulut iya deka meri peransang ngagai atlit bukai ari Sarawak ngambi terus belatih sereta bebendar agi nyapai juluk ati, nempuh semua penguji sereta nyapai pemujur ungkup diri empu, menua Sarawak enggau Malaysia,” ku iya.

Fatimah mega meri tabi puji ngagai Jamil Adam, siku pengajar latih para angkat berat asal ari Sarawak laban udah bebendar ngajar bala atlit.

Suara Sarawak