ARTIKEL

Penyulut Robert nyadi teladan

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Sarawak lenyau siku expemesai perintah bepangkat tinggi ti nyulut ngadu pengawa ngagai Perintah Nengeri enggau Perintah Besai.

Premier Sarawak, Datuk Patinggi Tan Sri Abang Johari Tun Openg madahka niang Datuk Robert Lian Balangalibun nya siku pemesai ti mujur nembuka pelajar iya ba renggat pemadu tinggi.

“Niang udah gawa lalu nempa penyulut ba Perintah Nengeri enggau Perintah Besai.

“Pengudah tembu belajar, niang tama nyadi pemesai ba Perintah Besai, udah nya lalu nyadi Direktor Imigresyen menua,” ku iya.

Abang Johari bejaku munyi nya lebuh ditanya pemberita pengudah meri basa kepenudi ngagai niang Robert ba rumah niang di Jalai Stapok ditu, kemari.

Ku iya, niang Robert mayuh mantu Sarawak mutarka sekeda isu garis entara menua enggau penumbuh sekeda Kompleks Kastam, Imigresyen enggau Kuarantin (CIQ) di menua tu.

“Maya agi nyadi Direktor Imigresyen niang ngembuan mayuh jasa kelebih agi ba penumbuh CIQ menua kitai.

“Pengudah iya pinchin, niang nyadi Kaban Komiti Servis Perintah Malaysia (PSC) nyentuk iya enda dapat gawa ketegal enda bepengerai,” ku iya.

Ku Abang Johari, pemujur sereta penyulut niang nyadi teladan sekeda nembiak ari Bario nitih singkang iya nampung pelajar ngagai renggat tinggi agi.

“Kitai berasai puang sereta lenyau siku pemesai tang aku pechaya iya ninggalka legasi ti besai.

“Aku ulih ngasai bala nembiak enggau orang bukai ulih ngambi inspirasyen ngagai pengawa manah ti digaga niang suba,” ku iya.

Abang Johari datai meri basa ngagai niang Robert urung pukul 2.30 lemai disempulang Sapit Premier Sarawak, Datuk Amar Douglas Uggah Embas enggau Adun Belaga, Datuk Liwan Lagang.

Robert midang ketegal ditepan penyakit riman dalam kandang dua taun setengah ti udah.

Iya nyadi siku tuai ti tebilang lebuh nyadi Direktor Imigresyen nengeri pengelama 18 taun sebedau pinchin kena 20 Julai 2015.

Niang Robert mega siku ari tuai ti ngembuan tanggungpengawa besai ba penumbuh lapan buah palan CIQ.

Nya nyengkaum CIQ di Merapok (Lawas), Mengkalap (Truan), Bandar Ruang (Limbang), Tedugang (Limbang), Sungai Tujuh (Miri), Lubok Antu, Biawak enggau Tanjung Manis.

Kelimpah CIQ, iya mega mantu numbuhka dua rumah jil imigresyen di Semuja, Serian enggau di Bekenu, Miri. Robert mega nyadi siku ari anak bansa Kelabit ti tebilang iya nya sebagi ari etnik asal di Sarawak.

BERITA LAIN

BERITA TERBARU