ARTIKEL

TEMEGAH… Elvis temegah mantaika pemutus peresa diri ti nyulut iya nya bulih 9A, 1B ba SPM 2023.

Penyulut SPM meri pengaga ngagai semua

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Bulih pemutus peresa nyulut ba Sijil Pelajaran Malaysia (SPM) 2023 ukai penyulut siku orang aja tang nya penyulut semua raban.

Nembiak Sekula Sekondari (SMK) Selirik, Elvis Pressley Bunyau mujur bulih pemutus peresa SPM 2023 ti nyulut iya nya 9A, 1B sereta ngemegahka sekula sida.

Iya madahka nya ukai penyulut iya kediri aja tang nya penyulut semua raban.

“Aku berasai gaga enggau temegah laban mujur bulih 9A, 1B ba peresa tu tang tu ukai penyulut aku siku aja.

“Tu endang penyulut semua orang ti udah kiruh sereta bebendar nyukung enggau ngembing aku ngelama tu.

“Udah tentu penyulut tu berekat ari embing sereta sukung bala pengajar, apai indai enggau bakih kelimpah pengeransing aku empu ti belajar ngelama tu.

“Nya kebuah aku ngumbai tu penyulut semua raban laban semua sida bela nyungkak ngagai penyulut ti diulih aku sehari tu (ensanus).

“Enti nadai sida ngembing enggau nyukung aku ngelama tu, aku pechaya udah tentu aku enda ngenggam penyulut besai tu.

“Nya alai, ngena peluang tu aku beterima kasih ngagai semua sida,” ku iya.

Iya mega beterima kasih ngagai Tuhan laban udah merekatka iya ngena penemu ngelama tu sereta nyerahka tunga kuing iya jemah ngagai Tuhan ti semampai ngemata.

Nusui peneleba diri ngambi pemutus peresa ba sekula, Elvis madahka diri enda nyangka tau bulih pemutus peresa nyulut nya.

Ku iya, pengudah meda pemutus peresa diri, enda berasai iya nyabak gaga, manjung dalam ati sereta beterima kasih.

Iya madahka diri nadai nyengala ngembuan resia belajar baka orang bukai kelimpah ransing belajar, meri perati maya pengajar ngajar ba bilik kelas, ngaga latih enggau belematika baru topik ti dipelajar.

“Lebuh bisi maya lepa, aku rindu bejalaika pengawa sesais laban nya ulih mantu ngeregaska agi untak enggau runding aku,” ku iya nyemetak.

Lebuh dirandau Suara Sarawak pasal tunga kuing jemah, Elvis madahka diri deka nyadi siku injinir ti nyulut sereta nyambung pelajar ba Universiti Malaya (UM).

BERITA LAIN

Nempa Sarawak nyadi tibang pemakai

TUSUN KETERUBAH MINAT Reynold anak Jacktola, 29, ti rindu agi dikangau Nol ba pengawa betanam betupi nya endang dikembuan iya ari mit laban iya datai

Tebing Sungai Saratok deka diseleti meruan

SARATOK: Perintah Sarawak deka nyeleti pengkalan ba seberai Pasar Saratok enggau jematan dikena ngelayang Sungai Paon. Kaban Kunsil Nengeri (ADUN) Kalaka, Mohamad Duri madah, sepenyampau

BERITA TERBARU

Tiga lelaki tiba-tiba rebah akibat rokok tercemar

BERLIN, Jerman: Dua lelaki tiba-tiba rebah semalamselepas menghisap rokok yang mengandungi bahan tidak diketahui, lapor agensi berita Jerman (dpa). Rokok berkenaan dipercayai dibeli daripada penjual