ARTIKEL

Penyuntuk Siba nerima perati GRP

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

PAKAN: Gerempung Raban Pakan (GRP) datai mantu sida Siba sebilik ti diau ba langkau kebun ketegal penyuntuk pengidup.

Tuai GRP Jerenang Jawa madahka, Siba diatu nadai dapat agi gawa ketegal bisi penanggul pengerai.

“Sida Siba sebilik bisi empat iku, lalu semua sida diau ba langkau kebun. Laban ti enda bepengerai enggau enda dapat ngiga belanja, nya ngujungka pengidup dia Siba balat suntuk,” ku Jerenang nengah sebengkah penerang, kemari.

Dulu ari nya, raban GRP bisi nganjung bantu ngagai sida Siba di Buku, Ulu Pakan, ensana.

Kenu ku Jerenang, iya berasai sinu meda pengidup sida Siba lalu ngarapka bantu ke dianjung nya ulih ngelempungka penusah ke ditapi sida sebilik.

“Pia mega, arapka penusah ke ditapi sida tu nerima perati Opis Pelilih Menua Pakan enggau Opis Pengintu Pendiau Mensia Mayuh (JKM).

“GRP ngarapka bisi raban bukai besaup ngesah penusah sida tu,” ku iya.

Ba program nya, Jerenang bisi meri tulung barang pemakai, lampu solar enggau duit belanja ngagai Siba dikena ngelempungka tating pengidup sida.

Jerenang mega meri terima kasih ngagai raban GRP laban sama udah bela besaup bepupuka belanja dikena mantu sida tu sebilik tu.

BERITA LAIN

BERITA TERBARU