ARTIKEL

Perais minta PM baru meri perati nasip OKU

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Gerempung Anak Asi Sarawak (Perais) ngarapka Datuk Seri Ismail Sabri Yaakob ke baru dichiri nyadi Menteri Besai (PM) ulih meri perati ngagai guna enggau pemansang raban Orang Nyelai Pendiau (OKU).

Presiden iya, Rapelson Richard Hamit madahka, tu kelebih agi ba guna enggau pemansang OKU ba Sabah enggau Sarawak ngambika Perintah Besai ulih meri utai ke dipinta gerempung OKU sebedau tu.

“Kabinet ke deka digaga ba baruh iring Ismail Sabri patut ngemerat tauka meri peluang ngagai raban OKU Sarawak awakka sida iya ulih megai penuduk ke beguna dalam Perintah Besai.

“Tu nyengkaum Senator OKU ari Sabah enggau Sarawak, OKU ba dalam serikat perintah (GLC) sereta OKU Perintah Kandang Menua,” ku iya ba siti penyata media, kemari.

Ku nandu, Perais andalka pengawa nyirika Menteri Besai baru tu, penanggul politik diputarka ngambi ulih mukaska pandemik Covid-19 sereta ulih ngemanahka ekonomi menua.

“Raban penyakal dilalau bekerejasama enggau Perintah Besai awakka ulih beserakup mutuska pandemik Covid-19 sereta ngemanahka ekonomi.

“Perais mega minta nadai pengawa nyiri Sapit Menteri Besai enggau Sapit Menteri lebuh dunya agi betapi enggau Covid-19 sereta sebengkah Opis Menteri patut diserakup awakka ulih ngatur menua.

“Fokus keterubah patut mukaska rentayan Covid-19 enggau pelin pemansang sereta ngemanahka enonomi menua,” ku Rapelson.

Kelimpah ari nya, Perais mega ngarapka Kaban parlimen Dayak baka Kaban Parlimen Puncak Borneo Datuk Willie Mongin enggau Kaban Parlimen Saratok Datuk Ali Biju diberi peluang mangku penuduk Menteri Penuh ngambi nyadi pengari ungkup komuniti Dayak ba Sarawak.

Berebak enggau nya, Perais mega meri pengaga ati ngagai Ismail Sabri ke dichiri nyadi Menteri Besai ke baru sereta nukar Tan Sri Muhyiddin Yassin.

Iya mega meri pengaga ati ngagai Muhyiddin laban udah mayuh mantu rayat Malaysia sekumbang nyadi Menteri Besai sereta pengawa mukaska pengelekai pandemik Covid-19 enggau ngemanahka ekonomi menua taja pan bisi pengurang.

-abis-

BERITA LAIN

BERITA TERBARU