Perambu nirika kem Soldadu Darat di Bintulu udah dikerandau enggau KM

KUCHING: Kepala Menteri Datuk Patinggi Abang Johari Tun Abang Openg udah nerima penemuai basa ari Panglima Raban Soldadu Darat Tan Sri Jeneral Zamros Mohd Zain, ditu tengahari tadi.

Sida betubuh tiga iku betuaika Zamros empu udah ngelawa Opis Kepala Menteri, Ringkat 22 Wisma Bapa Malaysia, Petra Jaya.

“Perintah Sarawak mega ngagihka belanja RM1.5 juta dikena bejalaika empat projek ATM sereta berandauka pengawa nirika Kem Soldadu Darat di Bintulu.

“Menteri Kanan Nyaga Pengelikun, Dato’ Sri Ismail Sabri Yaakob udah ngagihka belanja RM5 juta dikena nirika Pos Matau Baru.

“Kelimpah ari nya, Perintah Sarawak deka nambah empat agi Pos Matau ba adan menua entara Sarawak enggau Kalimantan, Indonesia,” ku iya ba aum pemberita pengudah pejalai nemuai meri basa nya.

Suara Sarawak