ARTIKEL

Perambu numbuh opis Tapak Megah di Bukit Mabong udah disetuju

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Ejensi bekaul udah setuju enggau perambu nirika opis penerit adat nyaga pengelikun di Tapak Megah ba Pelilih Bukit Mabong penyauh 20 kilometer ari adan menua Indonesia.

Sapit Kepala Menteri, Tan Sri Dr James Jemut Masing madah, Tapak Megah tu deka nyadi palan Pasukan Gerakan Am (PGA) Sarawak, Raban Soldadu Malaysia (ATM) enggau opis imigresyen dudi hari.

“Palan nya udah disetuju ejensi nya. Pengawa nirika opis penerit adat deka dipejalai pengudah jalai ngelawa Tapak Megah 1 (TM1) tembu,” terang Masing.

Masing mansutka jaku nya pengudah ngabas taba diperambu nirika opis nya, ditu ensanus.

Iya ke mega Menteri Infrastruktur enggau Pemansang Palan Penyangkai Kapal madah, opis menteri iya diatur benung merambu jalai ngagai palan nya enggau begunan sementara benung didiri.

“Pengawa nirika TM1 patut dirumban laban indu mengeri Indonesia deka pindah ngagai Kalimantan ba timpuh enam taun agi ke alai tiga juta peranak deka mindah kia.

“Kandang menua nya penyauh 450 kilometer (km) ari indu mengeri Indonesia,” ku Tuai Komiti Nyaga Pengelikun Adan Menua Sarawak (SBSC).

Dulu ari nya, sama nyempulang Masing iya nya Kaban Parlimen Hulu Rajang Datuk Wilson Ugak Kumbong, Komander PGA Sarawak Mancha Ata, Sekretari Kaunsil Pelilih Kapit Jabang Juntan, pengari Residen Bagi Menua Kapit Galong Luang, Pegawai Pelilih Bukit Mabong Douglas Pungga, pengari ari Opis Kereja Raya, Opis Tanah enggau Survei sereta bala bukai.

BERITA LAIN

BERITA TERBARU