Peranak Indonesia lemas udah ditemu

SIBU: Bangkai siku peranak Indonesia diripot lemas ba sebuah Duk Kapal, Sungai Sadit semak ditu udah ditemu.

Niang Wartono, 40 taun, asal ari Kampung Kriok, Indonesia ditemu ba tebing Batang Rajang urung 4 kilometer (km) ari endur iya labuh.

Nitihka penerang ari Palan Operasyen Opis Bomba enggau Penyah Penusah Nengeri Sarawak, bangkai lelaki nya ditemu raban Ngiga enggau Nyelamat (SAR) urung pukul 11.07 pagi tadi.

Bakih sama enggau niang gawa ti nyereta operasyen SAR udah ngelala bangkai nya.

“Bangkai niang Wartono dikelala bakih iya empu ti sama bisi maya operasyen dipejalai,” ku penerang nya.

Bangkai niang udah diserah ngagai piak polis ngambika atur bukai ulih dipejalai.

Suara Sarawak