Peranak Meradong dipinta bebasaka pangan diri

BINTANGOR: Kaban Kunsil Nengeri (Adun) Meradong Datuk Ding Kuong Hiing ngelalau bala mayuh di menua nya enda besalahka pangan diri ketegal pengelekai Covid-19.

Kemari, pelilih nya mali nyadi Zon Mirah sepengudah ngerikod 67 kes ti mega kes pemadu tinggi kala dirikod dia kenyau ari pandemik ditemu nyadi taun siti tadi.

“Diatu ukai maya bepolitik, tang pemadu beguna kitai deka meda pengelikun enggau pengerai rayat ditu.

“Kitai ngarapka penyakit tu jampat pukas ngambi pengelikun enggau pengerai dijamin.

“Bebasa mih ke sida sebilik ti bisi dirampit penyakit tu. Anang bejai tudah laban sida mega enggai penusah tu nyadi,” pia ku iya ngelalau nengah laman Facebook iya, malam tadi.

Suara Sarawak