Peranak Rh Ngitar, raban terabai komuniti bela nerima bantu pemakai

SARATOK: Peranak Rumah Ngitar Beriak, Awas, Krian ditu ke benung bepekul diatu udah nerima bantu pemakai ari Palan Servis Komuniti Sitak Parlimen Saratok, kemari.

Kaban Parlimen Saratok, Datuk Ali Biju ngarapka bantu diberi nya ulih ngelempungka tating belanja sida Ngitar serumah ti betapi enggau penusah kandang diatu.

Ku iya, rayat tusah enda tau enda dibantu kelimpah sida ti dianjung gawa nyaga enggau matau endur nya baka raban soldadu, polis enggau rela.

“Udah telempai ba tandan bau aku mantu rayat ke benung tasah diatu ti bepekul laban kitai deka ngerintaska rantai pengerekai Covid-19.

“Kitai meretika penusah ditapi sida tu, tang atur enda ulih diseliah ungkup pengelikun sida empu enggau orang bukai sereta mega menua,” ku iya lebuh dirandau Suara Sarawak.

Ali ke mega Adun Krian nyemetak madah, rantai igi penyakit nya mesti dipunas dulu enti dekaka menua pulai likun lalu rayat ulih diau lantang baka suba.

Suara Sarawak