Peranak Rh Trisy besaup sanitasyen rumah

JULAU: Peranak Rumah Trisy, Nanga Slaut Tengah ditu udah ngatur pengawa beripai meresi enggau sanitasyen rumah panjai sida.
Tuai Rumah Trisy madahka sida serumah bela meresi enggau sanitasyen bilik, ruai enggau tanju diri empu.
Ku iya, ungkus ungkup pengawa nya mega endang dipelanja sida ke ngempu bilik nya empu.
“Baka selama, kami serumah endang nadai kala belampung tulang lebuh ngereja pengawa ke pemaik semua.
“Baik nya sida ke tuai, bujang dara nyentuk bala nembiak mega regas enti disebutka pengawa beripai baka tu,” ku Tuai Rumah Trisy ba sebengkah penerang, kemari.

BESAUP GAWA… Sekeda peranak Rumah Trisy begambar ungkup kenang sebedau ngepunka pengawa.

Iya madah, sida serumah nemu bala ari Opis Pengerai benung kiruh sereta mayuh agi tanggung pengawa bukai.
“Nya alai nadai salah enti kitai empu bejalaika inisiatif meresi enggau nyaga pengelikun rumah kediri.
“Kami endang betanya dulu ngagai raban ba Opis Pengerai pasal takar dikena nyampur utai kena sanitasyen nya,” terang Tuai Rumah Trisy.
Tu mega nipakka rambai jaku Penyerakup Mai Pengelantang ti nyadika lalau sida serumah ngambi ulih idup bebaik enggau pangan diri, ku iya.
Nambahka nya, Tuai Rumah Trisy enggau bala Komiti Pemansang enggau Pengelikun Genturung Pendiau (JKKK) nagang bala bukai ngusung rumah panjai sida.
Berita penuh Ruai 8 sehari tu

Suara Sarawak