ARTIKEL

Peranak rumah panjai dipinta meri kerejasama, anang pansut sebarang

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

SARATOK: Peranak rumah panjai ti diasuh bepekul dipinta meri kerejasama penuh ngagai raban terabai komuniti dianjung matau kia.

Kaban Parlimen Saratok, Datuk Ali Biju ngarapka peranak dia mega seruran ngasika Atur Standard Pengawa (SOP) ti udah ditetapka perintah.

Ku iya, kitai enda tau enda semampai bejaga kandang diatu ngambi ulih nagang Covid-19 ari majak ngerekai kelebih agi ba sitak Saratok ti udah mali ngagai Zon Mirah.

“Seliahka diri ari pansut enti nadai pengawa ke bebatang, manah agi enti tuai bilik aja mindah enti sema bisi pengawa berat deka diadu.

“Kita ke bukai nya dipinta diau jenuh ba rumah, nyaga pengelikun enggau pengerai diri empu sereta orang ke diau besemak enggau kita diatu,” ku iya ba sebengkah penerang berita, tadi.

Ali ke mega Adun Krian madah, kes majak nambah ba menua nya ke alai naka diatu ngerikod 61 kes kandang 14 hari ngujungka pelilih menua nya mali ari Zon Oren ngagai Zon Mirah.

Berindik ari nya, sekeda rumah panjai udah diasuh bepekul nyengkaum Rumah Thomas Sigat, Sungai Brangan, Rumah Jonathan Juing, Lichok Roban enggau Rumah Junaidi, Disso.

BERITA LAIN

Belematika pemesai reti turai sejarah Sarawak

SIBU: Pengerami ‘722 Run For Sarawak’ udah dikelala nyadi sebengkah pengerami ti besai reti nyerumba Hari Sarawak. Sapit Menteri Pengerai Mensia Mayuh, Pengawa Berumah enggau

BERITA TERBARU