Peranak tasah bah sepanjai Sg Baram nerima bantu

MIRI: Sepenyampau 677 bungkus bekal pemakai udah dianjung ngagai genturung pendiau sepanjai Sungai Baram ti diripot kena ampuh bah.

Pengawa nganjung bantu nya dipejalaika raban bomba ari Balai Bomba enggau Penyah Penusah (BBP) Marudi kena Hari Empat tu tadi.

Bela nyaup raban bomba iya nya raban ari Opis Pelilih Marudi, Opis Pengintu Pengelantang Mensia Mayuh (JKM) Marudi, Penyaga Pengelikun Mensia Mayuh Malaysia (APM) enggau raban Rela sereta kru kapal.

Ketuai BBP Miri, Law Poh Kiong madah, bisi 13 buah genturung pendiau ke tasah ampuh bah udah nerima bantu nya.

Genturung pendiau nya nyengkaum Logan Tasong, Lubok Kulat, Long Maro, Benawa, Kuala Tutoh, Long Patan, Long Pahlo, Long Ukok, Long Panai, Klinik Long Panai enggau tiga rumah panjai di Tanjung Upar.

“Pengawa nganjung bantu pemakai tu dipelaba pengelama dua hari enggau dua malam.

“Kebuah pia laban mayuh endur ngetu sepanjai sungai kelimpah bepanggai ba gaya hari enggau peneras arus sungai,” ku iya ba sebengkah penerang berita.

Suara Sarawak