Peranak tepekul ketegal bah tau telefon minta sah

MIRI: Ujan bangat enda ngetu kenyau ari malam nyentuk pagi kemari ngujungka sekeda tanah emperan ba mengeri tu dituntung penusah bah tunggal.
Ketuai Opis Bomba enggau Penyah Penusah Malaysia Zon Enam Miri, Law Poh Kiong madahka endur ti napi penusah bah tunggal tu iya nya ba Desa Senadin enggau Tudan Desaras.
“Ujan agi bangat enggau tikas ai lilih ngagai jalai alun sereta masuk dalam rumah.
Pengempu rumah dilalau mindahka barang sida ngagai endur ke tinggi agi, nutup bekal kuasa karan, mindahka entukar ngagai endur ke tinggi agi sereta matau anak sida,” ku iya nerang, ditu tadi.
Poh Kiong madahka peranak ti diau ba tanah emperan enggau tepekul dipinta berumban telefon ngagai ejensi bekaul ba lumur 999 tauka Bomba Miri (085-422973).

Suara Sarawak