Perati gaya ulah nembiak

KUCHING: Pelajar ukai semina dipeda ari penyulut aja tang patut diperati ari ulah ti mereti nentuka penanggul beduan ulih diseliah.

Menteri Pengintu Pengelantang Pendiau, Komuniti, Orang Indu enggau Pemansang Anak Mit Datuk Seri Fatimah Abdullah madah, ulah tu mereti enggau angkunka pelajar patut bela dikembuan genap iku nembiak sekula.

“Enti kitai berati, ulah beduan nyadi ba sebuah sekula ke alai bala nembiak ke dipilih aja ulih belajar dia.

“Dia kitai berunding, lebuh kitai milih nembiak ke nyulut, kitai anang semina meda pemutus peresa sida aja tang mega gaya ulah enggau runding sida,” ku iya.

Fatimah madah munyi nya lebuh dirandau pemberita pengudah Aum Komiti Indu enggau Ruang Bilik Sarawak Bil. 1/2020 ba sebuah hotel ditu tadi.

Suara Sarawak