Perintah Besai enda adil!

KUCHING: Agih geran khas ari Perintah Besai ngagai Sarawak enda adil, ku Luyar Shankar Ram Asnani.

“Geran khas tu diberi ngagai Sarawak endang hak konstitusional ti patut diperesa baru sepanjai maya.

“Perintah Besai udah ngambi sebagi penatai pemisi ari Sarawak ti berega RM200 juta sehari lalu dianggarka berega RM60 billion setaun.

Shankar bejaku munyi nya lebuh ditanya pemberita maya pengudah Pekit Tanda Lumba Tyng Dance Academy (TDA) di Cityone ditu, kemari.

Ku iya, Perintah Besai patut ngambi perati enggau pekara ti ayan tu.

“Sida (Perintah Besai) ‘makai mayuh’ (penatai pemisi Sarawak) tang meri mimit ngagai nengeri tu.
“Pekara tu nyemetak enda adil,” ku iya.

Sebedau tu Perintah Besai ngagaihka geran khas beungkus semina RM16 juta ngagai Sarawak kenyau 1969.
Ba Bajet 2020 ti lalu, Perintah Besai madahka Sarawak deka nerima geran khas penyampau RM32 juta lalu penyampau tu deka ditambah ngagai RM54 juta dalam timpuh lima taun.

Suara Sarawak