KUCHING: Perintah deka nentuka ubah konstitusyen ngemendarka raban nembiak ti beumur 18 taun ulih nurun ngundi enda lama agi.
Menteri Besai Datuk Seri Ismail Sabri madahka iya nemu rebak baru kemaya tu seruran deka ngemantaika buah penemu diri bekaul pemansang menua nengah chara demokrasi.
“Perintah deka nentuka pindaan kontitusyen tu awakka mensia mayuh ti beumur 18 taun tau nurun ngundi (Undi 18) ulih dipejalaika dalam timpuh enda lama agi,” ku iya.
Iya bejaku munyi nya lebuh mantaika RMK12 2021-2025 di Kuala Lumpur kemari.
“Juluk ati aku iya nya perintah tu nyadi siti perintah ti semampai ninga peminta bala rayat.
“Semua inisiatif ti dibungkur dalam RMK12 tu deka dipejalai nitih ti udah ditetapka sereta penuh integriti,” ku iya.
Ku iya, entara pekara deka diatur perintah iya nya nyukung pengawa bejalaika Pelin Anti Makai Suap Nasional Organisasyen kena nentuka Malaysia nyadi siti menua ti nadai bekaul enggau pengawa makai suap jemah ila.
“Tanggungpengawa tu diberi ngagai semua menteri awakka besaup enggau aku mantau tagit RMKe-12 ti deka dijapai ,” ku iya.
